Hibruwebi 13:15 - EBƆRƐ BE KAWƆL

¹⁵ Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

Hibruwebi 13:15 ပူးပေါင်းရင်းမြစ်များ

2 Kronikɛls 29:31

Ndoŋ nna nɛ ewura Hɛzekaya kaŋɛ basa na le: “Naniere bre men ka nyalɛ so daŋkare be ekpa so ere, men ta men be kabɔrɛchɔrɔ be esarga m ba sa Enyɛnpe Ebɔrɛ.” Nɛ basa na wora loŋ, nɛ bumo be beko malɛ bar asɔbɔya m ba lara sarga chɔɔso bumo be keparso nɛ esa kama maŋ bishi bumo.

2 Kronikɛls 33:16

E daŋ naŋ lɔŋɛ bɔrɛsure nɛ baa lara kɔnɔkoŋwuleso nɛ kechɔrɔ be esarga kumo so na nna n sa Enyɛnpe Ebɔrɛ, nseŋ kaŋɛ Juda be basa kikɛ fanɛ b baa shuŋ Enyɛnpe nɛ Ebɔrɛ na.

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Nehemaya 12:40

Ntuŋ anyɔ nɛ b daa nite a boŋ nshɛ a di Ebɔrɛ epaŋ na kikɛ daŋ ba shɛr abar so bɔrɛlambu na ase nna. Ndoŋ nna nɛ ntuŋ na be kekama be basa ya yili bumo be eyilikpa ashi bɔrɛlambu na to nɛ ma alɛ nɛ bejuŋkparpoana na be bargato malɛ yɔ anyi be kakpa.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Nshɛ 118:19

Men bugi kebaawɔtɔ niŋiso be mbunagboŋ n sa ma nɛ n luri to n di Enyɛnpe Ebɔrɛ na epaŋ.

Nshɛ 119:108

O Enyɛnpe Ebɔrɛ, sɔ ma kapandi be sarga nseŋ ŋini ma fo mbraana na.

Nshɛ 18:49

Amoso, Enyɛnpe Ebɔrɛ, meeŋ fur fo ashi efuli pɔtɛana kikɛ be anishito to. Meeŋ boŋ nshɛ n di fo epaŋ.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Levitikɔs 7:12

Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Baru lela nɛ Jɔn kute na 10:9

Ma e la kabuna na, esa kama nɛ e bɔla ma to n luri, beeŋ nya kumɔlga. Mo alɛ beeŋ baa luri a lar a nya ajibi.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.