Hibruwebi 13:14 - EBƆRƐ BE KAWƆL

¹⁴ Ŋkpal manɛ so, nfe ere, anyi maŋ kɔ kade mo nɛ k baa wɔtɔ mbaanaayɔ, kade mo nɛ k beeŋ ba na be ekpa nɛ anyee keni.

Hibruwebi 13:14 ပူးပေါင်းရင်းမြစ်များ

Maika 2:10

Men koso a yɔ! Nfe maŋ la kakpa nɛ menyeeŋ chena n wushi. Ŋkpal manɛ so, menyi be alubi shin nɛ k wora eyurpi nseŋ ki kakpa nɛ k beeŋ mur.

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Ɛfesesebi 2:19

Amoso, menyi nnyamase maŋ naa la befɔ n shi efuli ko so. Naniere menyi nɛ Ebɔrɛ be basa la kukoŋwule nna a la kakpa koŋwule so ebi nseŋ naa la Ebɔrɛ be kowu to ebi be basa.

Filipaiebi 3:20

Ama anyi ere, ebɔrɛso be basa e la anyi nɛ an baa jɔŋ anyi be aya so a jo anyi be Emɔlgapo, Enyɛnpe Yesu Kristo nɛ e shi ebɔrɛso m ba.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Hibruwebi 12:27

Kananɛ e kaŋɛ ere ŋini fanɛ e beeŋ tia asɔ nɛ b to nɛ a beeŋ tiŋ ŋ gbuŋgbuŋ to na nna na. E beeŋ wora loŋ nɛ asɔ nɛ a maaŋ tiŋ ŋ gbuŋgbuŋ to na e ka.

Hibruwebi 2:5

Ebɔrɛ malɛ maŋ ta durnya nɛ k beeŋ ba kachako so nɛ anyeeŋ malga kumo be asheŋ ere m bɔɔ emalaika enɔ.

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

Hibruwebi 9:11

Ama naniere bre Kristo ki alelasheŋ nɛ a ba na be bɔrɛmatapo nimuso nna. E bɔla lambu nɛ k shibi a chɔ wajɛlambu dra na to nna m ba. Kede bre, mannɛ nyiŋgbasa e pɔr kumo, kumo e la fanɛ mannɛ durnya ere to be kusɔ e la kumo.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.