Hibruwebi 13:11 - EBƆRƐ BE KAWƆL

¹¹ Bɔrɛmatapo nimuso nɛ e daa ta asɔbɔya be ŋklaŋ a luri acheembiana to be kakpa cheembi na to lara sarga ŋkpal alubiana so, ama asɔbɔya na bre, b daa ta amo nna a lar keeyi to a yɔ kiyi to be kakpa nɛ basa maŋ wɔ n ya chɔɔ.

Hibruwebi 13:11 ပူးပေါင်းရင်းမြစ်များ

Ɛksodɔs 29:14

Ama men yɛr gbolu na be eblaŋ nɛ kawɔl nɛ apumbi bre keeyi na be ekarso n ya chɔɔ. Loŋ be sarga na e naa bar bɔrɛmatapoana be alubi be ketampaŋ na.

Ezikɛl 43:21

Kede be kaman, nɛ men ta gbolu nɛ b ta n lara kulubi be sarga na n lar ekarso n ya chɔɔ ashi kakpa nɛ k maŋ mata bɔrɛlambu na ase, nɛ b lara ndoŋ n yili a chɔɔ kulubi be esarga.

Levitikɔs 16:27

Baaŋ ta gbolu nɛ kaboe nɛ b ta n lara alubi keyigempaŋ be sarga nseŋ suse amo be ŋklaŋ n luri acheembiana to be kakpa cheembi na be nwɔl nɛ eblaŋ nɛ apuntosɔ kikɛ n lar keeyi na to n ya chɔɔ.

Levitikɔs 6:11

Kumo be kaman nɛ e gbaŋ kabɔrɛmata be epiŋi na n nase nseŋ ta piŋi pɔtɛ m buu pɔɛŋ nseŋ muu nsunɔ na n lar keeyi na to n ya lɛ kakpa nɛ k daga.

Levitikɔs 6:30

Ama kulubi be sarga be kusɔbɔya kama nɛ b ta kumo be ŋklaŋ nɛ b ta n luri wajɛbu na to n ya kule ketampaŋ ashi kakpa cheembi na bre maŋ daga keji. A daga b chɔɔ kumo nna m mur.”

Levitikɔs 9:11

Ama eblaŋ na nɛ kawɔl na bre, e ta amo nna n lar keeyi na be ekarso n ya chɔɔ.

Levitikɔs 9:9

Nɛ mbe mbinyɛnsobi na suse kumo be ŋklaŋ m bar mo nɛ e ta keshilbi n nyɔ amo to ŋ gbiti bɔrɛsure na be alambɛ ana na be nnɔso nseŋ chulgi ŋklaŋ nɛ a ka na n wurge bɔrɛsure na be kaseto.

Nɔmbɛs 19:3

nɛ b ta kumo n sa bɔrɛmatapo Eliaza nseŋ keta kumo n lar keeyi na to n ya mɔ mbe anishito.

Nɔmbɛs 19:7

Kumo be kaman nɛ bɔrɛmatapo na e ya fɔr mbe epiŋi nseŋ bɛr pɔɛŋ m bɛta m ba keeyi na to. Ama e maaŋ baa walɛ so daŋkare be ekpa so hale n ya fo kaaseso.