Hibruwebi 13:1 - EBƆRƐ BE KAWƆL

¹ Men ba kraa wɔtɔ a sha abar fanɛ keniopibiana ashi Kristo to.

Hibruwebi 13:1 ပူးပေါင်းရင်းမြစ်များ

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Baru lela nɛ Jɔn kute na 15:17

Ma kamalga naseso nɛ ŋ kɔ a sa menyi nde fanɛ: ‘Men baa sha abar.’ ”

Ashuŋ Shunso 2:1

Kachɛgboŋ nɛ baa tre Pɛntekɔst na ka fo nɛ beyirdapoana na kikɛ shɛr kakpa koŋwule.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ɛfesesebi 4:3

Men baa wora ania ga a kɔ kɔnɔkoŋwuleso be kebaawɔtɔ be kagbenewushi nɛ k bee shi Kiyoyu na kutɔ nsaa bar menyi abar so na to kpakpa.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

Hibruwebi 10:24

Men shin nɛ an baa nyiŋi a leŋ abar to a wɔtɔ kasha nɛ aworbi lela to.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.

2 Pita 1:7

Kabɔrɛŋana malɛ be kaman men ta keniopibi be kasha n ti so nseŋ ta kasha gbagba malɛ n ti keniopibi be kasha so.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 4:20

Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

Kelaraŋŋini 2:4

Ama kusɔ lubi nɛ n wu menyi so nde fanɛ men lɛ men be sososo be kasha na.