Hibruwebi 12:7 - EBƆRƐ BE KAWƆL

⁷ Men baa ji menyi be tɔrɔ nɛ k la ekpa be keniŋi na be kanyiti a nyi fanɛ Ebɔrɛ bee wora menyi fanɛ mbe mbia nna na, ŋkpal manɛ so, ebi mo e wɔtɔ nɛ mo tuto maa niŋi mo ekpa?

Hibruwebi 12:7 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Aŋasa 13:24

Esa kama nɛ e maa gberge mbe mbia kusoe a ŋini bumo asheŋ maa sha bumo nna na. Esa kama nɛ e bee sha mbe mbia bee gberge bumo kusoe nna a ŋini bumo asheŋ saŋɛ nɛ k daga.

Aŋasa 19:18

Ŋini fo mbia kusɔ nɛ k daga pɔɛŋ nɛ b daŋ; Fo baa maa gberge bumo kusoe a ŋini bumo asheŋ fee mɔ bumo ŋgblaŋto nna na.

Aŋasa 22:15

Kasogberge be kuchuchɔ e naa ju kawulisheŋ nɛ k bɔlɔ kebia to.

Aŋasa 29:15

Keŋini be kasogberge bee sa kebia kanyiasheŋ nna, ama kebia nɛ b yige nɛ e bee wora mbe kepar bee wɔtɔ mo nio anishinyɔr to nna.

Aŋasa 29:17

Fo baa gberge fo mbia kusoe a ŋini bumo asheŋ baaŋ sa fo kasotowushi nɛ kagbenefuli.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

1 Kɔrintebi 11:32

Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

1 Samuɛl 2:29

Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?

1 Samuɛl 2:34

Saŋɛ nɛ fo mbinyɛnsobi Hofni nɛ Finihas kikɛ beeŋ wu kachɛ koŋwule na nɛ feeŋ pin fanɛ kusɔ kama nɛ ŋ kaŋɛ na beeŋ bɔlɔ so kashenteŋto.

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.