Hibruwebi 12:6 - EBƆRƐ BE KAWƆL

⁶ Ŋkpal manɛ so, esa kama nɛ ma, Enyɛnpe na bee sha nɛ mee niŋi ekpa nsaa gberge ekama nɛ mee tre m pibi kusoe.”

Hibruwebi 12:6 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Nshɛ 119:71

Kasogberge nɛ n daŋ nya na daŋ chɛ ma to; k daŋ chɛ ma to nɛ ŋ koya fo mbraana.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 94:12

Kagbenefuli la ekama nɛ fo Enyɛnpe Ebɔrɛ na bee bela nsaa ŋini mo fo mbra na peya nna!

Aŋasa 13:24

Esa kama nɛ e maa gberge mbe mbia kusoe a ŋini bumo asheŋ maa sha bumo nna na. Esa kama nɛ e bee sha mbe mbia bee gberge bumo kusoe nna a ŋini bumo asheŋ saŋɛ nɛ k daga.

Aŋasa 3:11

M pibinyɛn, sa maa kini Enyɛnpe Ebɔrɛ na be kebela be kasogberge ŋko mbe kefiɛso be keŋini.

Aŋasa 3:12

Ŋkpal manɛ so, basa nɛ Enyɛnpe Ebɔrɛ na bee sha nɛ e bee niŋi ekpa, fanɛ kananɛ etuto bee wora mo pibi shaso na.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Jɛremaya 10:24

Ŋini fo basa akpa, Enyɛnpe Ebɔrɛ, ama sa maŋ kaŋ nyaŋ anyi ga ŋko ŋ gberge anyi kusoe kanya agbo so; nɛ mannɛ aloŋ anyeeŋ wu.

Nfabel 3:39

Manɛ nna nɛ esa nɛ e kraa kɔ ŋkpa bee fubel a bele asheŋ jemanɛ nɛ e wɔ mbe alubi be kasogberge to?

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

Ruf be kawɔl 1:3

B wɔtɔ loŋ, nɛ Nawomi mo kul Elimelɛk ba wu ŋ ka mo nɛ mbe mbinyɛnso anyɔ na.