Hibruwebi 12:5 - EBƆRƐ BE KAWƆL

⁵ Men teŋ keleŋto be mmalga nɛ Ebɔrɛ bee malga a sa menyi fanɛ mbe mbia na so a? E yɛ: “M pibi, sa maŋ ta kananɛ Enyɛnpe niŋi fo ekpa na fanɛ kusɔ fɔmbi nsaa maa pɔ aba ŋkpal e ka gberge fo kusoe so.

Hibruwebi 12:5 ပူးပေါင်းရင်းမြစ်များ

Job be kawɔl 34:31

Job, a daga fo kaŋɛ Ebɔrɛ fanɛ fo wora n jija, nseŋ nase kɔnɔ fanɛ fo maaŋ naŋ wora kulubi kikɛ.

Nshɛ 118:18

E daŋ gberge ma kusoe kenishipereso, ama mo alɛ maŋ shin nɛ n wu.

Nshɛ 119:109

Jemanɛ kikɛ mee ta ma ŋkpa nna a pɛl, ama m maaŋ teŋ fo mbraana bre so kikɛ.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:67

N daŋ wora n da so nna nɛ fo gberge ma kusoe, ama naniere bre n wora fo kamalga kasonu nna na.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 119:83

M maaŋ naa kɔ tɔnɔ fanɛ yabra be kapuya bureso; ama ma alɛ kraa maŋ teŋ fo mbraana so.

Nshɛ 94:12

Kagbenefuli la ekama nɛ fo Enyɛnpe Ebɔrɛ na bee bela nsaa ŋini mo fo mbra na peya nna!

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 4:5

Nya kanyiasheŋ nɛ lakal, n sa maŋ teŋ ŋko ŋ kplaŋ asɔ nɛ ŋ kaŋɛ fo na so.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Nfabel 3:39

Manɛ nna nɛ esa nɛ e kraa kɔ ŋkpa bee fubel a bele asheŋ jemanɛ nɛ e wɔ mbe alubi be kasogberge to?

Luuk 24:6

Men baa nyiŋi kusɔ nɛ e daŋ kaŋɛ menyi saŋɛ nɛ e daŋ kraa wɔ Galili na

Luuk 24:8

Ndoŋ nna nɛ b nyiŋi Yesu be mmalga na

1 Kɔrintebi 11:32

Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

1 Timoti 1:20

Loŋ be basa na be beko e la Haimɛneeyes nɛ Alɛkzaanda nɛ n ta m bɔɔ Setani enɔ nɛ b pin fanɛ k daga b ka lar kebaamalga a gbiti Ebɔrɛ to.

Hibruwebi 12:7

Men baa ji menyi be tɔrɔ nɛ k la ekpa be keniŋi na be kanyiti a nyi fanɛ Ebɔrɛ bee wora menyi fanɛ mbe mbia nna na, ŋkpal manɛ so, ebi mo e wɔtɔ nɛ mo tuto maa niŋi mo ekpa?

Hibruwebi 13:22

Ŋ kurgepoana, mee kule menyi nna fanɛ men ji kanyiti n nu ma keleŋto be kamalga ere, ŋkpal manɛ so, kawɔl ere ŋ ka sibɛ menyi ere baa maŋ shi ko.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.