Hibruwebi 12:3 - EBƆRƐ BE KAWƆL

³ Men fɛ kananɛ e maŋ ta kekishi damta mo nɛ alubiworapoana daŋ ta n tu mo na kikɛ n tre shɛŋ na be asheŋ ŋ keni, saŋɛ na so men maaŋ pɔ aba n shin nɛ menyi be ŋgbene e baa jija menyi.

Hibruwebi 12:3 ပူးပေါင်းရင်းမြစ်များ

Aŋasa 24:10

Kesɔ kapɔshi be tɔrɔ be jemanɛ bee shin nɛ esa be eleŋ bee kuso nna.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 15:2

“Manɛ e ba nɛ fo bebɛsopo maa bɛ an nanaana be keŋini nɛ b yige n sa anyi na so? B maa fɔr bumo be enɔana kananɛ k daga na pɔɛŋ nsaa ji.”

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Matiu 21:46

nɛ b wora ania a fin kananɛ baaŋ wora m pɛ mo, ama bumo alɛ daa ŋana jimaŋ na nna, ŋkpal manɛ so, basa na kikɛ daŋ yirda fanɛ e la anebi nna.

Matiu 22:15

Ade be kaman nɛ Efarisiana lar n ya wora kɔnɔ fanɛ b ya lute Yesu kɔnɔ n shin nɛ e malga nɛ b yili mbe mmalga na so n nya mo.

Luuk 14:1

Kewushiachɛ ko Yesu ka yɔ Efarisiana be enimu ko pe nɛ e ya ji nɛ baa tɛ mo nɛnɛ.

Luuk 15:2

Ndoŋ nna nɛ Efarisiana nɛ mbraŋinipoana bile asheŋ nseŋ kaŋɛ: “Men keni, kanyɛn ere ka sɔ alubiworapoana n shin nɛ mo nɛ bumo bee ji.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 5:21

Ndoŋ nna nɛ Efarisiana na nɛ mbraŋinipoana na fara a bishi abar: “Manɛ be ekpa nɛ kanyɛn ere kɔ a malga a gbiti Ebɔrɛ le? Nyiŋgbasa kikɛ maaŋ tiŋ n ta alubi m paŋ ama Ebɔrɛ nawule.”

Baru lela nɛ Jɔn kute na 10:20

Le nɛ bumo be bedamta daŋ kaŋɛ: “Kiyoyu lubi e wɔ mo to. E bee lɔ eboŋ nna. Manɛ so nɛ esa bee nu ede be mmalga!”

Baru lela nɛ Jɔn kute na 18:22

Yesu ka malga le ere n loge nɛ bekumpo nɛ b daa yil ndoŋ na be eko kpa mo etaŋ nseŋ bishi mo le: “Le nɛ baa malga bɔrɛmatapo nimuso kutɔ a?”

Baru lela nɛ Jɔn kute na 5:16

Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.

Baru lela nɛ Jɔn kute na 7:12

Jimaŋ na to be bedamta daŋ baa wɔtɔ nna a kuli a malga mbe asheŋ. Beko yɛ: “Esa lela nna.” Nɛ beko malɛ kaŋɛ: “Ayai, e bee fule basa nna.”

Baru lela nɛ Jɔn kute na 8:13

Ndoŋ nna nɛ Efarisiana kaŋɛ mo: “Too, fo kumu so be shɛda nɛ fee ji na, amoso, asheŋ nɛ fee malga ere maŋ la kashenteŋ.”

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Baru lela nɛ Jɔn kute na 9:40

Efarisiana ko daa yil ndoŋ nseŋ nu kusɔ nɛ e kaŋɛ na nseŋ bishi mo le: “Fee ŋini fanɛ anyi alɛ gba tan nna ŋko?”

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Ditɛronɔmi 20:3

Israɛl be benapo, men nu nfe! Menyee yɔ kena to kabre nna na, ama men sa maŋ kpal men doŋana so a lɔ kufu ŋko a jija kenyɛn ŋko a chicha.

2 Tɛsalɔnikaebi 3:13

Bekurgepoana, men sa maŋ shin nɛ kelela be kewora e baa gben menyi.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 12:5

Men teŋ keleŋto be mmalga nɛ Ebɔrɛ bee malga a sa menyi fanɛ mbe mbia na so a? E yɛ: “M pibi, sa maŋ ta kananɛ Enyɛnpe niŋi fo ekpa na fanɛ kusɔ fɔmbi nsaa maa pɔ aba ŋkpal e ka gberge fo kusoe so.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.