Hibruwebi 12:25 - EBƆRƐ BE KAWƆL

²⁵ Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 12:25 ပူးပေါင်းရင်းမြစ်များ

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

2 Kronikɛls 7:19

Ama nɛ fanɛ fo ŋko Israɛl be basa ko kini kebɛ ma mbra so nsaa shuŋ efuli pɔtɛana so be agbir,

Ɛksodɔs 16:29

Keni! Men nyiŋi fanɛ ma, Enyɛnpe Ebɔrɛ na e sa menyi kewushiachɛ na, amoso nɛ kachɛ shesopo na mee sa menyi be ekama nchɛnnyɔ be ajibi na. Kachɛ shunusopo na, ekama e shir a wɔ mbe laŋ to. Esa kama e sa maŋ lar kowu kikɛ.”

Ɛksodɔs 20:22

Ndoŋ nna nɛ Enyɛnpe Ebɔrɛ kaŋɛ Mosis fanɛ e kaŋɛ Israɛlebi na le: “Menyi gbagba wu nseŋ nu kananɛ ma, Enyɛnpe Ebɔrɛ na malga n sa menyi ashi ebɔrɛso nna na.

Aŋasa 1:24

Saŋkama mee tre fo a kaŋɛ fanɛ fo ba ma kutɔ ama fo kplaŋ ma so nseŋ kini kenu n sa ma.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aŋasa 13:18

Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 8:33

Men nu kusɔ nɛ mee ŋini menyi ere, nseŋ nya kanyiasheŋ. Men sa maŋ kplaŋ kumo so.

Aizaaya 48:6

Asheŋ nɛ ŋ kaŋɛ menyi na kikɛ wora m bɔlɔ so. A daga fanɛ men shuli so fanɛ kashenteŋto nɛ e wora m bɔlɔ so. Naniere meeŋ naŋ kaŋɛ menyi asheŋ popɔr nɛ e beeŋ ba. E la asheŋ woraso nɛ m maŋ naŋ lara ŋ ŋini kikɛ nna.

Aizaaya 64:9

amoso sa maŋ nya agbo ga n wɔtɔ anyi ŋko a nyiŋi anyi be alubi mbaanaayɔ. Baa nyiŋi fanɛ fo basa e la anyi kikɛ, amoso wu anyi kuwɔr.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Nɔmbɛs 32:15

Men baŋ kini kebɛ Enyɛnpe Ebɔrɛ so, e beeŋ naŋ kplaŋ mbe basa so ashi keshishɛrsawule ere so nɛ bumo be alubi e baa bɛ menyi.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 8:4

Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”

Ashuŋ Shunso 7:35

Mosis koŋwule ere nɛ Israɛlebi daŋ kini nseŋ bishi mo: ‘Wanɛ e ta fo ŋ ki anyi be enimu nɛ anyi be demujipo?’ Mo nɛ Ebɔrɛ daŋ bɔla malaika nɛ e daŋ wu kupumbi chɔɔso na to na so n shuŋi fanɛ Israɛl be enimu nɛ emɔlgapo na.

Ditɛronɔmi 18:19

Ŋkpal kubɔya na ka beeŋ shi ma kutɔ so, esa kama nɛ e kaŋ kini kewora kumo kasonu, ŋ gbagba e naaŋ bishi amodoŋwura ŋko ŋ gberge mo kusoe.

Ditɛronɔmi 30:17

Ama nɛ men kini nseŋ wora kusoe kpakpaso nseŋ n ya kaa shuŋ agbir bre,

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

2 Timoti 4:4

Baaŋ ti bumo be asoe n sa kashenteŋ na nseŋ bugi amo a nu edaŋkaresheŋ be ablɔmbi nɛ a maŋ kɔ kifi.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Hibruwebi 12:19

Kebee koŋwule na so nɛ kabel daŋ shu nɛ ebɔl daŋ ponte to na. Basa na ka nu ebɔl na nɛ b kule Mosis fanɛ b sa maŋ naŋ nu mmalga kama n ti so.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 3:17

Nɛ basa mo nɛ e daŋ nya agbo n wɔtɔ nfɛ adena kikɛ na? Mannɛ bumo nɛ b daŋ wora alubi kiyi to nɛ bumo be eyurana daŋ shir ndoŋ na a?

Hibruwebi 8:5

Le be basa ere shuŋ kakpa cheembi nɛ k du fanɛ ebɔrɛso be kakpa cheembi be kiyoyu na to, ŋkpal manɛ so, anebi Mosis ka daa shin nɛ e yuu wajɛlambu cheembi na, le nɛ Ebɔrɛ daŋ ŋini mo kumo be asheŋ ŋ kaŋɛ: “Nyiŋi n wora kusɔ kama nɛ k bɛ kakpa cheembi be kaduli mo nɛ n daŋ ŋini fo ashi kebee na so na so.”

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

Joshuwa 22:16

b yili Enyɛnpe Ebɔrɛ be basa na kikɛ be katelamu to ŋ kaŋɛ le: “Manɛ nna nɛ men wora le be kulubi ere ŋ gbiti Israɛl be Ebɔrɛ? Men ka kini kenu n sa Enyɛnpe Ebɔrɛ na so nɛ men pɔr bɔrɛsure ere n sa menyi gbagba be amu na! Men maŋ naa bɛ mo so nna na.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”