Hibruwebi 12:22 - EBƆRƐ BE KAWƆL

²² Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Hibruwebi 12:22 ပူးပေါင်းရင်းမြစ်များ

2 Bewura 19:4

Asiriya be ewurgboŋ e shuŋi mbe benapo be enimu nɛ e ba tege Ebɔrɛ nɛ e wɔ ŋkpa to na. Enyɛnpe fo Ebɔrɛ na e naŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to.”

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Nshɛ 48:2

Mbe kebeegboŋ cheembi na du jeŋgreŋ nna nsaa walɛ. Nɛ Ebɔrɛ Ewurgboŋ nɛ e wɔ kumo so na bee sa durnya to be basa kikɛ kagbenefuli.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Nshɛ 87:3

Jerusalɛm la Ebɔrɛ be kadegboŋ nna, nɛ baa malga asheŋ lela damta ga a laŋɛ kumo be kaplɛa so.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Aizaaya 59:20

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Meeŋ ba Jerusalɛm to m ba kɔ n sɔ menyi, Jeekɔb be kaman to ebi nɛ men lar menyi be alubi kikɛ to.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 17:25

Saŋɛ na so ewura Deevid be kanaŋ to ebi beeŋ baa ji kuwura ashi Juda be efuli so nɛ Jerusalɛm to. Kumo be kaman, Juda be efuli so nɛ Jerusalɛm to be basa kikɛ beeŋ baa dii egbaŋɛ nɛ egbaŋɛturko. Basa damta malɛ beeŋ ba bɔlɔ Jerusalɛm be kadegboŋ na to a wɔtɔ.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 5:35

Menyi alɛ e sa maa bɔ kasawule, ŋkpal manɛ so, k la Ebɔrɛ be keyaputi ase nna. Men sa maa bɔ Jerusalɛm gba, ŋkpal manɛ so, ndoŋ la Ewurgboŋ na be kade nna.

Romebi 11:26

Amoso, Israɛlebi kikɛ beeŋ nya kumɔlga fanɛ kananɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Emɔlgapo na beeŋ shi Zayɔn m ba lara edalubisheŋ kikɛ ashi Jeekɔb be kaman to ebi to.”

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.

Ɛfesesebi 2:19

Amoso, menyi nnyamase maŋ naa la befɔ n shi efuli ko so. Naniere menyi nɛ Ebɔrɛ be basa la kukoŋwule nna a la kakpa koŋwule so ebi nseŋ naa la Ebɔrɛ be kowu to ebi be basa.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Filipaiebi 3:20

Ama anyi ere, ebɔrɛso be basa e la anyi nɛ an baa jɔŋ anyi be aya so a jo anyi be Emɔlgapo, Enyɛnpe Yesu Kristo nɛ e shi ebɔrɛso m ba.

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Hibruwebi 11:10

Ŋkpal manɛ so, e daa jo kadegboŋ nɛ k kɔ egbaltɔlase lempo nɛ kumo be epɔrpo nɛ esa nɛ e yili kumo kananɛ k daga fanɛ b pɔr kumo na la Ebɔrɛ gbagba na nna.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 13:14

Ŋkpal manɛ so, nfe ere, anyi maŋ kɔ kade mo nɛ k baa wɔtɔ mbaanaayɔ, kade mo nɛ k beeŋ ba na be ekpa nɛ anyee keni.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 21:10

Ndoŋ nna nɛ e ta ma kiyoyu to n yɔ kebee gboŋgboŋi jeŋgreŋ ko so n ya ŋini ma kadegboŋ cheembi na, kumo e la Jerusalɛm na nɛ k shi Ebɔrɛ kutɔ ashi ebɔrɛso a ba.

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.

Kelaraŋŋini 22:19

Ekama malɛ nɛ e lara mmalga ashi abɔrɛsheŋ wuŋkaŋɛ be kawɔl ere to, Ebɔrɛ beeŋ lara mbe kachigeso ashi ŋkpa be kedibi be asɔrso na to nseŋ naŋ lara mbe kachigeso ashi kadegboŋ cheembi nɛ b malga kumo nɛ ŋkpa be kedibi sɔrso be kananɛ a du be asheŋ ashi kawɔl ere to na.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso