Hibruwebi 12:15 - EBƆRƐ BE KAWƆL

¹⁵ Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Hibruwebi 12:15 ပူးပေါင်းရင်းမြစ်များ

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

Ɛksodɔs 32:21

Kumo be loŋ be kaman nɛ Mosis bishi Ɛɛrɔn: “Manɛ nɛ basa ere wora fo nɛ fo shin nɛ le be kulubi gboŋgboŋi ere ba bumo so?”

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

1 Kɔrintebi 10:12

Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

1 Kɔrintebi 13:8

Kasha maa loge kikɛ. Ama kewuŋkaŋɛana bre nɛ ŋgbar pɔtɛana be kegbar nɛ kanyiasheŋ bre kikɛ beeŋ ba choŋ.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

2 Kɔrintebi 13:5

Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 2:13

K maŋ chɛr nɛ Juwebi be bebɛsopo nɛ b daŋ ka na malɛ gba bɛ mbe kebirkɔnshi be kesheŋ na so hale nɛ Baanabas gba foe ekpa koŋwule na so m bɛ bumo so.

Galeeshaebi 5:4

Menyi, bumo nɛ menyee wora ania a sha kebɛ mbra na so n ji n lar Ebɔrɛ be anishito ere, barga men be amu ashi Kristo na kutɔ nna na. Men lar kuwɔr be kakɛ be kebaawɔtɔ to.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Ditɛronɔmi 32:32

Bumo doŋana nɛ b lubi fanɛ Sodɔm nɛ Gomɔra ebi na, du fanɛ afeelebi nɛ a bee sɔr asɔrso kekra nɛ kɔrtɔ wɔ amo to nna,

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Taites 1:15

Basa nɛ b du cheembi, kusɔ kama malɛ du cheembi nna bumo kutɔ, ama bekama nɛ b maŋ du cheembi bumo alɛ nsaa maŋ kɔ yirda na, shɛŋ shɛŋ maŋ du cheembi bumo kutɔ. Bumo be ŋgbene nɛ bumo be nfɛra fɛso kikɛ maŋ lar so.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.