Hibruwebi 12:11 - EBƆRƐ BE KAWƆL

¹¹ Ama kashenteŋ bre, saŋɛ nɛ b baa niŋi esa ekpa, mbe kagbene bee jija mo nna. Ama keniŋi na be kaman ekama nɛ e bii keniŋi na be kifito daŋ nya alelasheŋ be kebaawɔtɔ be kagbenefuli be tɔnɔ nna.

Hibruwebi 12:11 ပူးပေါင်းရင်းမြစ်များ

Jɛnesis 21:11

Kesheŋ na daŋ jija Eebraham be kagbene ga ŋkpal k ka lɛa mo pibi Ishmaɛl na so.

Nshɛ 118:18

E daŋ gberge ma kusoe kenishipereso, ama mo alɛ maŋ shin nɛ n wu.

Nshɛ 119:165

Bekama nɛ baa sha fo mbraana na bee nya kayurwushi gboŋgboŋi nna; shɛŋ shɛŋ maaŋ tiŋ n shin nɛ b fiti n tɔr kikɛ.

Nshɛ 89:32

kumo ere meeŋ gberge bumo kusoe ŋkpal bumo be alubi so. Meeŋ shin nɛ b ji awurfoŋ ŋkpal bumo be kewora n jija so.

Aŋasa 15:10

Kasogberge gboŋgboŋi bee jo ekama nɛ e maa bɔla ekpa niŋiso so a wora asheŋ na nna. Ekama nɛ e kini keŋini nsaa bɛ ekpa nɛ k maŋ niŋi na so beeŋ wu.

Aŋasa 19:18

Ŋini fo mbia kusɔ nɛ k daga pɔɛŋ nɛ b daŋ; Fo baa maa gberge bumo kusoe a ŋini bumo asheŋ fee mɔ bumo ŋgblaŋto nna na.

Aizaaya 19:22

Enyɛnpe Ebɔrɛ na kaŋ gberge Ijiptebi na kusoe n loge, baaŋ bɛta m ba mo kutɔ. Kumo be kaman nɛ e nu bumo be kabɔrɛkule nseŋ shin nɛ Ijiptebi na e nya kechɛ.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 12:10

An tuto kurgesoana daŋ niŋi n niŋi anyi ekpaana kananɛ b daa fɛ fanɛ k walɛ nɛnɛ n sa bumo nchɛnnyɔ ko nna, ama Ebɔrɛ bre bee niŋi anyi ekpa nna ŋkpal anyi gbagba be kechɛto so, saŋɛ na so nɛ an tiŋ n tu mo n nya mbe kebaawɔtɔ cheembi na.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

1 Pita 1:6

Kashenteŋ nna fanɛ shere naniere naniere bre, men be ŋgbene beeŋ jija menyi nchɛnnyɔ ko ŋkpal kechɔŋkeni be etɔrɔ be nnaŋ to mo nɛ a bee tu menyi so, ama men shin nɛ men be ŋgbene e baa fuli menyi ŋkpal enɛfa na so.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.