Hibruwebi 12:1 - EBƆRƐ BE KAWƆL

¹ To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Hibruwebi 12:1 ပူးပေါင်းရင်းမြစ်များ

Job be kawɔl 8:10

Ama an nanaana na bre beeŋ ŋini fo kasheŋwora, nɛ fo pin amo to nɛnɛ.

Nshɛ 18:23

M maŋ naŋ wora n da mo so kikɛ. Saŋkama mee gelge alubi nna.

Aizaaya 60:8

Manɛ e naa choŋ zii fanɛ awɔlpa, ŋko fanɛ elepɔ ka mel abar so a firgi a yɔ asha to loŋ?

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:9

Gɔg nɛ mbe benapo nɛ efuli damtaana nɛ b ti so na beeŋ kre m ba Israɛlebi na so fanɛ bɔrɛfu m ba buu bumo so fanɛ kuwɔlpa.”

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Maak 10:50

Nɛ e lɛ mbe kusɔbuuso n tɛ to n yili nseŋ yɔ Yesu kutɔ.

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 16:28

n ya fiɛ n sipoana so nɛ b sa maŋ ba ebesa be kakpa ere. Ŋkpal manɛ so, besipo anu nɛ ŋ kɔ.’

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Baru lela nɛ Jɔn kute na 3:32

Kusɔ nɛ e wu nɛ kusɔ nɛ e nu be asheŋ be shɛda nɛ e bee ji, ama basa maa sha kesɔ loŋ be shɛda na.

Baru lela nɛ Jɔn kute na 4:39

Kade na to be Samɛriaebi damta daŋ yirda Yesu nna ŋkpal kache na be shɛda nɛ e daŋ ji ŋ kaŋɛ le na so, e yɛ: “E kaŋɛ ma kusɔ nɛ n wora kikɛ.”

Baru lela nɛ Jɔn kute na 4:44

Mo ere Yesu gbagba e daŋ chɛr ŋ kaŋɛ fanɛ: “Anebi kama maŋ kɔ bunyaŋ mo gbagba be basa to.”

Romebi 12:12

Men shin nɛ menyi be tama e baa sa menyi kagbenefuli nɛ men baa ji kanyiti ashi menyi be etɔrɔ to nsaa kule Ebɔrɛ saŋkama.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 2:2

N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

Galeeshaebi 5:7

To, men daa bɛ ekpa na so nna nɛnɛ nɛ wanɛ e naaŋ ba kaa kagle menyi ashi kashenteŋ be kebɛso be ekpa na to?

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Filipaiebi 1:30

To, menyi alɛ gba tu mo nna a kɔ nna na. Kekɔ koŋwule nɛ men daŋ wu ŋ ka kɔ dra dra na koŋwule na nɛ ŋ kraa kɔ nɛ menyee nu kumo be asheŋ na.

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

2 Timoti 2:4

Soja kama nɛ e wɔ mbe kushuŋ to maa ta mbe nfɛra a wɔtɔ asheŋ pɔtɛ to a shin nɛ a baa tir mo, nɛ mannɛ aloŋ, mbe asheŋ maaŋ par mbe enimu nɛ e bee keni mo so na.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

Jeems 1:3

Ŋkpal manɛ so, men nyi fanɛ nɛ men baŋ pɔɔ kechɔŋkeni na so a yirda Ebɔrɛ, menyeeŋ nya eleŋ n ti so a tiŋ a pɔɔ kechɔŋkeni be yiri kikɛ so.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

2 Pita 1:6

Kanyiasheŋ na be kaman nɛ men ta kamootiŋ n ti so. Kamootiŋ na malɛ be kaman men ta kebaayilto kpakpa be kebaawɔtɔ n ti so nseŋ ta kabɔrɛŋana malɛ n ti kebaayilto kpakpa be kebaawɔtɔ so.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.