Hibruwebi 11:8 - EBƆRƐ BE KAWƆL

⁸ Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Hibruwebi 11:8 ပူးပေါင်းရင်းမြစ်များ

Jɛnesis 11:31

Nɛ Tɛra keta mo pibinyɛn Eebram nɛ mo nanabi Lɔt nɛ e daa la Haran pibinyɛn na nɛ mo shache Sɛɛrai, Eebram be eche, n ti mbe kumu so nɛ b lar Ur ashi Babilɔnia n yɔ Keenan be kasawule so. B ka bee yɔ Keenan n ya fo Haran nɛ b chena ndoŋ.

Jɛnesis 12:5

Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 20:13

Amoso, saŋɛ nɛ Ebɔrɛ lara ma ashi n tuto be laŋ to a yɔ nsawule nɛ m maŋ nyi so na nɛ ŋ kaŋɛ mo le: ‘Nɛ fee sha fanɛ fo ŋini ma fo kasha, kumo ere kaplɛkama nɛ an yɔ, fo kaŋɛ ndoŋebi fanɛ fo siponyɛn e la ma.’ ”

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Ezikɛl 36:24

Meeŋ lara menyi ashi efuli pɔtɛana kama to m ba epe menyi gbagba be kasawule so.

Nɔmbɛs 10:30

Nɛ Hobab kaŋɛ le: “M-m ma ere bee bɛta nna a yɔ ma efuli so, amoso m maaŋ yɔ.”

Matiu 2:21

Ndoŋ nna nɛ Josɛf koso n ta kebia na nɛ mo nio m bɛta n yɔ Israɛl.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Joshuwa 24:3

Ndoŋ nna nɛ n lara men nananyɛn Eebraham ashi Yufreetes be kaba ndoŋ n ya ta mo n nite Keenan be kasawule so kikɛ. N daŋ sa mo ebinyɛn nɛ baa tre mo Aizek nɛ e ki kanaŋ damtawura.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:1

Beche, menyi alɛ gba e baa nu a sa men kulana, saŋɛ na so nɛ bumo be ekama maŋ yirda kamalga na, nɛ men maŋ malga n sa bumo gba, baaŋ wu men be kebaawɔtɔ nseŋ ba yirda.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?