Hibruwebi 11:7 - EBƆRƐ BE KAWƆL

⁷ Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Hibruwebi 11:7 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:22

Ndoŋ nna nɛ Nowa wora kusɔ kama nyam nɛ Ebɔrɛ daŋ kaŋɛ mo fanɛ e wora na.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Jɛnesis 7:23

Ebɔrɛ daŋ mur kusɔ futeso kama nyam nɛ k daa wɔ kasawule so nna. Nowa nɛ bekama nɛ b daŋ ti mo so na nɛ asɔbɔya nɛ mbuibi nɛ asɔ gbeyeso nɛ a daa wɔ kuloŋgboŋ na to na nawule e daŋ ka.

Jɛnesis 7:5

Ndoŋ nna nɛ Nowa wora asɔ nɛ Enyɛnpe Ebɔrɛ na kaŋɛ fanɛ e wora na kikɛ nyam.

Jɛnesis 8:16

“To, naniere fo nɛ fo eche nɛ fo bibinyɛn na nɛ bumo be becheana e lar kuloŋgboŋ na to.

2 Bewura 4:5

E ka malga n loge, nɛ kache na bɛta n yɔ epe n ya keta mbe mbia na n luri ebu to n ti kukuloŋ n fara e chulgi kɔlbabi na to be ŋku na a wɔtɔ ekɔlba na to nɛ mbe mbinyɛnsobi na malɛ bee ta ekɔlba fuloŋ na a sa mo.

Job be kawɔl 35:8

Kulubi ŋko kelela kama nɛ fee wora na, fo braana edimɛdi nɛ fee wora amo.

Aŋasa 22:3

Enyiashempo baaŋ wu kenishipere ka bee ba e bee gelge kumo nna, ama esa nɛ e maa pin asheŋ to manaŋ manaŋ bre bee suse kumo to nna; kumo be kaman nɛ e wora n daa nyi nna.

Aŋasa 27:12

Enyiashempo bee gelge asheŋ nna, ama esa nɛ e maa pin asheŋ to manaŋ manaŋ bre bee suse amo to nna.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Ezikɛl 14:20

ma, Enyɛnpetale Ebɔrɛ na bee kaŋɛ kashenteŋto na fanɛ, nɛ Nowa nɛ Danɛl nɛ Job gba daa wɔ efuli na so, b daa maaŋ tiŋ m mɔlga bumo be mbia. Bumo gbagba nawule e daa beeŋ nya kumɔlga ŋkpal bumo be alelasheŋ so.”

Ezikɛl 33:5

Amodoŋwura gbagba e bar mbe luwu, ŋkpal manɛ so, e kplaŋ kefiɛso be kabel na be kushu so nna. Ashere nɛ e daŋ maŋ kplaŋ kumo so nna, e daŋ beeŋ gelge luwu na.

Matiu 2:12

B ka loge nɛ Ebɔrɛ fiɛ bumo so edare to ŋ kaŋɛ fanɛ b sa maŋ naŋ bɛta n yɔ Ewura Hɛrɔd kutɔ. Amoso b daŋ bɔla ekpa popɔr so nna m bɛta n yɔ bumo be efuli so.

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Matiu 24:25

To, n wule ŋ kaŋɛ menyi n yili nna na.

Matiu 24:38

Ŋkpal manɛ so, pɔɛŋ nɛ nchugboŋ na ba na basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to na.

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Luuk 17:26

Ma, Nyiŋgbasa Pibinyɛn be jemanɛ beeŋ ba kaa du fanɛ Nowa be jemanɛ na gbagba nna le chap.

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

Romebi 10:6

Ama le nɛ abɔrɛsibɛ na bee kaŋɛ kebɔla yirda so a ki elelapo Ebɔrɛ be anishito be asheŋ: “Sa maŋ bishi fo kumu fanɛ: ‘Wanɛ e naaŋ dii n yɔ ebɔrɛso?’ Kumo e la fanɛ n ya bar Kristo.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Hibruwebi 11:1

To, manɛ e la yirda? Yirda la kebaanyi geeŋ fanɛ anyeeŋ nya asɔ nɛ anyee tama na nseŋ naa nyi fanɛ asɔ nɛ anyi maaŋ tiŋ n wu kenishiso na kikɛ wɔtɔ nna kashenteŋto.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 8:5

Le be basa ere shuŋ kakpa cheembi nɛ k du fanɛ ebɔrɛso be kakpa cheembi be kiyoyu na to, ŋkpal manɛ so, anebi Mosis ka daa shin nɛ e yuu wajɛlambu cheembi na, le nɛ Ebɔrɛ daŋ ŋini mo kumo be asheŋ ŋ kaŋɛ: “Nyiŋi n wora kusɔ kama nɛ k bɛ kakpa cheembi be kaduli mo nɛ n daŋ ŋini fo ashi kebee na so na so.”

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?

2 Pita 3:6

Nchu malɛ so nɛ e daŋ bɔla n jija saŋɛ na be durnya nɛ k mur.