Hibruwebi 11:6 - EBƆRƐ BE KAWƆL

⁶ Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 11:6 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Job be kawɔl 21:14

Ama le nɛ basa lubi na bee kaŋɛ Enyɛnpetale Ebɔrɛ na: ‘Yige anyi! Anyi maa sha kepin fo aparsheŋ.

Nshɛ 106:24

B daa maŋ yirda kɔnɔ nɛ Ebɔrɛ nase n sa bumo, fanɛ e beeŋ sa bumo bumo gbagba be kasawule na; amoso kasawule lela na be asheŋ daa maa tir bumo.

Nshɛ 119:10

Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 58:11

Nɛ basa e kaŋɛ: “Kashenteŋ, basa cheembi kraa nya bumo be kakɔka. Kashenteŋ, Ebɔrɛ kraa ji asheŋ nɛ amo be ekpa so ashi durnya to.”

Nshɛ 73:28

Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 78:22

ŋkpal b ka daa maŋ yirda mo nseŋ daŋ ji mbe kumɔlga be eleŋ emɔrɔ so.

Nshɛ 78:32

Ama amo nɛ amo kikɛ, b kraa wora alubi nna. Emamachisheŋ nɛ Ebɔrɛ wora na kikɛ be kaman, b kraa maŋ yirda mo.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 20:12

Ama le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn: “Ŋkpal men ka maŋ yirda ma nseŋ kini keshin nɛ Israɛlebi na pin ma eleŋ so, men maaŋ juŋkpar bumo n yɔ kasawule nɛ n nase kɔnɔ fanɛ meeŋ sa bumo na so.”

Matiu 11:26

N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Maak 16:17

Beyirdapo beeŋ nya le be eleŋ: Baaŋ ta ma ketre n ju mbuibi lubi ashi basa to.

Luuk 12:31

Amoso, men ta Ebɔrɛ be kuwura na be kasha n juŋkpar men be kebaawɔtɔ to nɛ e shin nɛ men nya asɔ na n ti so.”

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 8:24

Amoso nɛ ŋ kaŋɛ menyi fanɛ menyeeŋ wu menyi be alubi to na. Menyi alɛ baa maŋ yirda fanɛ ma e la esa nɛ ŋ kaŋɛ fanɛ n la ere, menyeeŋ wu menyi be alubi to.”

Romebi 10:14

Ama nuso nɛ baaŋ wora n shu n tre esa nɛ b maŋ yirda? Nɛ nuso malɛ nɛ baaŋ wora n yirda emo nɛ baaŋ shu n tre na nɛ esa pɔtɛ baa maŋ kaŋɛ bumo mbe asheŋ? Ŋko nɛ esa pɔtɛ baa maŋ bɔ kubɔya na n sa bumo, nuso nɛ baaŋ wora n nu?

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 4:2

Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.

Hibruwebi 4:6

Bumo nɛ b daŋ fara n nu baru lela na daa maŋ luri kewushi na to ŋkpal b ka daa maŋ kɔ kasonu so, ama basa ko kraa wɔtɔ nɛ b nya kewushi na to n luri.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Ruf be kawɔl 2:12

Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”