Hibruwebi 11:4 - EBƆRƐ BE KAWƆL

⁴ Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 11:4 ပူးပေါင်းရင်းမြစ်များ

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Jɛnesis 4:15

N doŋ nna nɛ Enyɛnpe Ebɔrɛ na kaŋɛ Keen: “Ayai, mannɛ aloŋ nna, esa kama nɛ e mɔ fo, meeŋ bishi amodoŋwura kumo be kuwule ale shunu.” Kede be kaman nɛ Enyɛnpe Ebɔrɛ na dulgi Keen, saŋɛ na so esa kama nɛ e tu mo kaplɛkama maaŋ mɔ mo.

Jɛnesis 4:25

Ndoŋ nna nɛ Adam nɛ mbe eche naŋ di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Sɛt. Nɛ Adam be eche yɛ: “N nase mo loŋ nna, ŋkpal manɛ so, Ebɔrɛ naŋ sa ma ebinyɛn nna n tal Eebel nɛ Keen mɔ na to.”

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

1 Bewura 18:38

Epul na to nɛ Enyɛnpe Ebɔrɛ shin nɛ edɛ ba chɔ sarga na nɛ ndibi na nɛ ajembu na nɛ shishɛr na, nɛ nchu nɛ a wɔ kemaŋ nɛ b kur ŋ kulti sarga na kikɛ feeto kuraa.

Job be kawɔl 8:10

Ama an nanaana na bre beeŋ ŋini fo kasheŋwora, nɛ fo pin amo to nɛnɛ.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Luuk 11:51

Kumo e la fanɛ, baŋ fara jemanɛ nɛ b mɔ Ebel na m ba fo Zakareya nɛ b mɔ bɔrɛsure na nɛ bɔrɛlambu be nferinto na achɛ nɛ n de na. Ma e kaŋɛ menyi na fanɛ kashenteŋto, asheŋ na kikɛ be kasogberge beeŋ ba mbreebi ere so.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Hibruwebi 11:2

Le be yirda ere so nɛ Ebɔrɛ daŋ kpaŋ bedrapo na.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 9:22

Kashenteŋto malɛ, mbra na bee ŋini fanɛ ŋklaŋ nɛ baa ta a fɔr asɔ be galeŋga so, nɛ ŋklaŋ malɛ baa maŋ lar, Ebɔrɛ be keta alubi m paŋ basa maŋ wɔtɔ.

2 Pita 2:8

ŋkpal manɛ so, e ka daa la esa lela nseŋ daa wɔ bumo to kapa nɛ kanyɛ na so, mbe kagbene daa maŋ dese mo ŋkpal asɔ jiga nɛ e daa wu nɛ amo nɛ e daa nu so.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.