Hibruwebi 11:38 - EBƆRƐ BE KAWƆL

³⁸ Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.

Hibruwebi 11:38 ပူးပေါင်းရင်းမြစ်များ

1 Bewura 17:3

“Lar nfe n yɔ epeŋilarkpa be kaba so be kabombi nɛ baa tre Cheriff nɛ k wɔ Jɔɔdan be lɔr na be epeŋilarkpa na n ya ŋana.

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:9

Kumo be kanyɛso nɛ e yɔ kebeelaŋ to n ya dese a di. Ndoŋ nɛ e wɔ nɛ Enyɛnpe Ebɔrɛ na bishi mo le: “Elaija manɛ nɛ fee wora nfe?”

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Jɛremaya 41:9

Ketirbu nɛ Ishmaɛl nɛ mbe benapo daŋ ta basa nɛ b daŋ mɔ n ti Gɛdaliya so n lɛ to na daa la ketirbu nɛ Juda be ewura Asa na daŋ kur a suse bɔrɛchu jemanɛ nɛ Israɛl be kuwurgboŋ nɛ k wɔ kelargato be esoso na be ewura Baasha na daa kɔ mo kena na nna. Ishmaɛl daŋ mɔ basa na nna m bɔlɔ ketirbu na.

Demujipoana 6:2

Ŋkpal Midianebi na ka daa chɔ Israɛlebi na eleŋ ga so, Israɛlebi na daŋ fin mboŋ nna ŋ ŋana ashi abeelaŋ to nɛ abeeana so nɛ mboŋ nɛ basa maaŋ wu bumo.

1 Samuɛl 22:1

Ndoŋ nna nɛ Deevid shile Gaaf be kade to n yɔ kebeelaŋ ko nɛ k mata kade nɛ baa tre Adulam na to. Mo daana nɛ mbe kanaŋ nɛ b ka na ka nu fanɛ e wɔ ndoŋ nɛ b yɔ ndoŋ n ya tu mo.

1 Samuɛl 23:15

Jemanɛ ko Deevid ka wɔ Hɔrɛsh nɛ k wɔ keshishɛrsawule nɛ baa tre Ziif na; e daa lɔ kufu nna ŋkpal Sɔɔl ka daŋ ba ndoŋ nɛ e ba fin mo m mɔ so.

1 Samuɛl 23:19

Ade be kaman nɛ basa ko nɛ b shi Ziif be kade to yɔ Sɔɔl kutɔ ashi Gibia n ya kaŋɛ le: “Deevid maŋ wɔ kufɔ. E wɔ anyi be efuli so be kebeegboŋ nɛ baa tre Hakila nɛ k wɔ Jeshimɔn be kelargato be kaseto be kaba so m mata Hɔrɛsh na.

1 Samuɛl 23:23

Men lege to n fin mboŋ kama nɛ e bee kaa shile a ŋana na nseŋ ba kaŋɛ ma. Saŋɛ na so ma nɛ menyi beeŋ fin mo. E baa wɔ efuli ere so bre men nya mo. Hale nɛ meeŋ keni Juda be efuli so kikɛ gba n fin mo nna meeŋ wora loŋ.”

1 Samuɛl 26:1

Basa ko daŋ shi Ziif nna m ba Sɔɔl kutɔ ashi Gibia m ba kaŋɛ mo fanɛ Deevid ŋana kebeegboŋ nɛ baa tre Hakila nɛ k mata Jeshimɔn na ase ashi Juda be efuli so be kiyi to be ekarso.