Hibruwebi 11:37 - EBƆRƐ BE KAWƆL

³⁷ Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.

Hibruwebi 11:37 ပူးပေါင်းရင်းမြစ်များ

2 Samuɛl 12:31

E daŋ shin nna nɛ kumo be basa ta ekapɛnta be nsaŋɛgboŋ nɛ baa tre sɛrdaa na nɛ abɛlso be ntekpa nɛ akpanfu a tintiŋ bumo nɛ b baa shuŋ a ku ebirkesi. Loŋ koŋwule na nɛ e daŋ wora ndewurbi nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:1

Ade kikɛ be kaman nɛ ewura Ahab kaŋɛ mbe eche Jɛzebel kusɔ kama nɛ anebi Elaija wora, nɛ kananɛ e shin nɛ b mɔ kegbir nɛ baa tre Baal na be agbirwuraana na kikɛ.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:13

Anebi Elaija ka nu loŋ be ebɔl na nɛ e ta mbe piŋi m buu mbe anishi so nseŋ lar kebeelaŋ na to n ya yili kumo be kabuna to. Ndoŋ nna nɛ Enyɛnpe Ebɔrɛ naŋ bishi mo le: “Elaija manɛ nɛ fee wora nfe?”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:19

Anebi Elaija ka lar a yɔ nɛ e ya tu Shafat pibinyɛn Elaisha nɛ e kɔ ana dɔso a dɔ: Ana dɔso nɛ b chɛ m mata abar benyɔnyɔ kudukako e daŋ juŋkpar mo a dɔ. Nɛ mo alɛ keta katuŋ kuduanyɔsopo na a bɛ so. Ndoŋ nna nɛ anebi Elaija lara mbe piŋi n deŋi Elaisha so.

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

2 Bewura 1:8

Nɛ b yɛ: “E daŋ buu piŋi nɛ b ta asɔbɔya be kawɔl n lɔŋɛ nna nseŋ ta kawɔl be kreso ŋ kreto.” Ndoŋ nna nɛ ewura na kaŋɛ le: “Kumo ere Elaija nna na!”

2 Bewura 2:13

Kumo be kaman nɛ e ya ta anebi Elaija be piŋi nɛ k gbaŋ n tɔr na m bɛta n yɔ Jɔɔdan be lɔr na to,

2 Bewura 2:8

Ndoŋ nna nɛ anebi Elaija lara mbe piŋi nseŋ bɔlɔɔ kumo ŋ ŋmɛa nchu na nɛ a ku to anyɔ nɛ mo nɛ Elaisha nite kasawule wɔlso so n yɔ lɔr na be kaba ndoŋ.

1 Kronikɛls 20:3

Nseŋ tintiŋ kade na to be basa nɛ baa ta ekapɛnta be nsaŋɛgboŋ nɛ abɛlso be ntekpa nɛ akpanfu a shuŋ. Loŋ koŋwule na nɛ e daŋ wora nde nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 26:23

Ndoŋ nna nɛ b ya bar Uriya ewura Jehowakim kutɔ nɛ e shin nɛ b mɔ mo nseŋ ta mo kebuni n ya lɛ kakpa nɛ baa puli basa na.

Zakareya 13:4

Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Matiu 21:35

Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ.

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.

Matiu 8:20

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ashuŋ Shunso 14:19

Juwebi ko daŋ shi Pisidia be Antiɔk nɛ Ikoniam m ba kilgi jimaŋ na be ŋgbene nseŋ kpa Pɔɔl ajembu ŋ gbɛ mo n lar kade na to n ya lɛ a tama fanɛ e wu na.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

Hibruwebi 11:25

Ketu Ebɔrɛ be basa na a wɔ tɔrɔ to daŋ par mo a chɔ kedaa wɔ alubi be ebel to nchɛnnyɔ ko.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”