Hibruwebi 11:34 - EBƆRƐ BE KAWƆL

³⁴ B daa la bepɔshipo nna, ama b daŋ ki belempo. B daa kɔ eleŋ ashi kena to n daŋ tiŋ m pɔɔ befɔ be esoji so nɛ b shile n choŋ.

Hibruwebi 11:34 ပူးပေါင်းရင်းမြစ်များ

1 Bewura 19:1

Ade kikɛ be kaman nɛ ewura Ahab kaŋɛ mbe eche Jɛzebel kusɔ kama nɛ anebi Elaija wora, nɛ kananɛ e shin nɛ b mɔ kegbir nɛ baa tre Baal na be agbirwuraana na kikɛ.

1 Bewura 19:3

Anebi Elaija ka nu loŋ nɛ kufu pɛ mo nɛ e shile a mɔlga mbe kumu. E daŋ keta mbe kayɛrbi nna n yɔ Bɛshiba nɛ k wɔ Juda be efuli so be kelargato be kaseto na n ya yige mo ndoŋ.

2 Bewura 6:1

Kachako nɛ anebiana be katuŋ nɛ Elaisha bee keni so na fubel ŋ kaŋɛ mo le: “Kakpa nɛ anyi nɛ fo bee shɛr ere du fimbi ga!

2 Bewura 6:32

Kumo be kaman nɛ e shuŋi kabɔ Elaisha kutɔ nɛ benimu ko malɛ baŋ ba nɛ b ba bɔɔ Elaisha so. Ama pɔɛŋ nɛ kabɔ na e ba na nɛ Elaisha tiŋ ŋ kaŋɛ benimu nɛ b ba nɛ b ba bɔɔ mo so na le: “Emɔpo na shuŋi esa ko fanɛ e ba mɔ ma. E kaŋ ba men ti kukuloŋ n sa maŋ shin nɛ e luri ebu ere to. Ewura na gba yil mbe kaman nna.”

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Job be kawɔl 5:20

Ebɔrɛ e naŋ kuŋ fo ashi luwu to jemanɛ kikɛ; akoŋgboŋ nɛ kena be jemanɛ gba, fo maaŋ wu.

Nshɛ 124:7

An nya anyi be amu n shile fanɛ kusɔbɔya ka gbaŋ ekpampo be kejigbelɛ n lɛ nseŋ nya n shile na nna.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 6:8

Basa lubi, men shile ma so! Enyɛnpe Ebɔrɛ na, nu ma kushu.

Nshɛ 66:12

Fo shin nɛ an doŋana pɔɔ anyi so nɛ an luri edɛ nɛ nchu to, ama fo bar anyi kasawule nɛ k kɔ asɔ damta so.

Ɛksodɔs 18:4

ŋkpal manɛ so, Mosis yɛ: “N tuto be Ebɔrɛ e la ma Echɛtopo nɛ e mɔlga ma ashi Fɛɛro be enɔ to.”

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Jɛremaya 26:24

Ade kikɛ be kaman, nɛ kanyɛn nɛ baa tre Ahikam nɛ e la Shafan pibinyɛn na malga ŋ kuŋ Jɛremaya, nɛ b maŋ ta mo n sa basa na nɛ b mɔ.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

1 Pita 4:12

Ma basa shaso, men sa maŋ shin nɛ men be ŋgbene e baa wora menyi kanaŋ ko kechɔŋkeni nɛ k bee ba menyi so fanɛ edɛ be kuwuloŋ na so a fɛ fanɛ mamachi be kesheŋ ko e naa nya menyi.

Demujipoana 15:8

Nɛ Samsɔn diewu n ta tokobi m mɔ bumo be galeŋga. Kumo be kaman nɛ e ya kaa wɔ Etam na be kelaŋ to.

1 Samuɛl 18:11

Ndoŋ nna nɛ Sɔɔl fɛ fanɛ e beeŋ kpa kekpa na n da Deevid m mata egbal nseŋ kpa mo kumo ale anyɔ kikɛ nɛ Deevid gbar amo kikɛ.

1 Samuɛl 19:10

Ndoŋ nna nɛ Sɔɔl kpa kekpa na nɛ e da Deevid m mata egbal nɛ Deevid gbar, nɛ kekpa na ya da egbal na m muni. Kumo be kanyɛso na kikɛ nɛ Deevid shile n lar Sɔɔl be laŋ to nɛ shɛŋ maŋ wora mo.

1 Samuɛl 20:1

Ndoŋ nna nɛ Deevid shile n lar Nayɔf nɛ k wɔ Raama na n yɔ Jonatan kutɔ n ya bishi mo le: “Manɛ nɛ n wora fo tuto Sɔɔl nɛ e bee sha kemɔ ma? Manɛ be kulubi nɛ n wora?”