Hibruwebi 11:33 - EBƆRƐ BE KAWƆL

³³ Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Hibruwebi 11:33 ပူးပေါင်းရင်းမြစ်များ

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

1 Bewura 13:28

nɛ e dii kurma na m bɛ so n ya wu kanyɛn na be kebuni na ka dese kubɔrbi so nɛ kurma na nɛ buluŋ na yil kumo ase. Buluŋ na daa maŋ we kebuni na, kumo alɛ daa maŋ pɛ kurma na gba.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 91:13

Feeŋ pɔɔ ebuluŋ lempo so nseŋ chichi awɔ lubi gba so, nɛ e maaŋ tiŋ n wora fo shɛŋ.

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Demujipoana 4:1

Ehud ka wu be kaman nɛ Israɛlebi na naŋ wora alubi n da Enyɛnpe Ebɔrɛ na so.

1 Samuɛl 12:4

Ndoŋ nna nɛ basa na kaŋɛ le: “M-m, fo maŋ puni anyi, fo alɛ maŋ naŋ mɛaŋ anyi; fo alɛ maŋ suge anyi be shɛŋ.”