Hibruwebi 11:32 - EBƆRƐ BE KAWƆL

³² To, ade kikɛ be kaman, a naŋ daga ŋ ka naŋ malga beyirdapo ko malɛ be asheŋ n ti so a? Saŋɛ maŋ wɔtɔ nɛ n naŋ malga Gidiɔn nɛ Barak nɛ Samsen nɛ Jɛfta nɛ Deevid nɛ Samuɛl nɛ anebiana na be asheŋ.

Hibruwebi 11:32 ပူးပေါင်းရင်းမြစ်များ

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Luuk 13:28

Saŋɛ na so, menyeeŋ wu Eebraham nɛ Aizek nɛ Jeekɔb nɛ anebiana na kikɛ ashi Ebɔrɛ be kuwura na to, ama menyi alɛ maaŋ nya n luri. Ndoŋ nɛ menyeeŋ shu nseŋ we anyi to.

Luuk 16:31

Nɛ Eebraham kaŋɛ mo: ‘Nɛ b baŋ kini kenu asheŋ nɛ Mosis nɛ anebiana na bee malga na, kumo ere baa nyi fanɛ nɛ esa shi luwu to n ya kaŋɛ bumo gba, b maaŋ nu.’ ”

Baru lela nɛ Jɔn kute na 21:25

Yesu daŋ wora asheŋ damta ko gba n ti so, nɛ b daŋ sibɛ amo be kekama nna n nase, mee tama fanɛ durnya kikɛ gba daa maaŋ tiŋ n nya kakpa n sɔ loŋ be nwɔl na.

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 13:20

Asheŋ ere kikɛ daŋ fo fanɛ nfɛ alfa ana nɛ adunu. Kumo be kaman benimu ko nɛ Ebɔrɛ daa sa a sa bumo pɔɛŋ nɛ anebi Samuɛl ya ba.

Ashuŋ Shunso 3:24

Baŋ fara Samuɛl n ta anebiana nɛ b daŋ bɛ mo so na nɛ anebiana nɛ b ka na kikɛ nyam nɛ Ebɔrɛ daŋ shin nɛ b bɔ mbe kubɔya na daŋ wu naniere be asheŋ ere ŋ kaŋɛ.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 4:1

To, nɛ an keni an nananyɛn Eebraham malɛ be kebaawɔtɔ to, nuso nɛ anyeeŋ kaŋɛ? Manɛ nɛ e daŋ wu mbe kebaawɔtɔ to?

Romebi 6:1

To, naniere, nuso nɛ anyeeŋ kaŋɛ? Fanɛ an baa wɔtɔ a wora alubi nɛ Ebɔrɛ be kuwɔr be kakɛ na malɛ e baa wora keshi a ti so ŋko?

Romebi 7:7

To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.

Jeems 5:10

Ŋ kurgepoana an ta fanɛ anebiana nɛ b daŋ bɔla Ebɔrɛ be ketre so m malga asheŋ na ŋ keni kananɛ b daŋ ji kanyiti. B daŋ luri tɔrɔ to, ama b daŋ ji kanyiti ga. Menyi alɛ gba e bɛ bumo be aya so n wora loŋ.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

2 Pita 3:2

Mee sha fanɛ men nyiŋi mmalga nɛ anebi cheembiana na daŋ malga dra na nɛ kamalga nɛ an Nyɛnpe nɛ an be Emɔlgapo daŋ bɔla men be beshuŋipoana so m malga n nase na.

Demujipoana 13:24

Jemanɛ ko ka fo, nɛ Manoa be eche kurge ebinyɛn nseŋ nase mbe ketre Samsɔn. Kebia na ka bee daŋ nɛ Enyɛnpe Ebɔrɛ na nɛfa mo.

Demujipoana 15:20

Nfɛ adunyɔ nɛ Samsɔn daŋ juŋkpar Israɛlebi na, ama Filistiebi na e kraa ji kuwura bumo so.

Demujipoana 4:1

Ehud ka wu be kaman nɛ Israɛlebi na naŋ wora alubi n da Enyɛnpe Ebɔrɛ na so.

Demujipoana 6:1

Nɛ Israɛlebi na naŋ wora alubi n da Enyɛnpe Ebɔrɛ na so nɛ e shin nɛ Midianebi pɔɔ bumo so. Nfɛ ashunu nɛ Israɛlebi na bee shuŋ bumo.

Demujipoana 6:11

Kachako nɛ Enyɛnpe Ebɔrɛ na be malaika ba kadebi nɛ baa tre Ofra na nseŋ ba chena kedibigboŋ ko be kifito ashi kanyɛn ko nɛ baa tre Joash, nɛ e shi Abiyeza be kabuna na be kelɔnɛ so. Loŋ be saŋɛ na nɛ Joash pibinyɛn, Gidiɔn malɛ ŋana e bri ayu kegoro so, saŋɛ na so Midianebi na maaŋ wu mo.

Demujipoana 6:14

Ndoŋ nna nɛ Enyɛnpe Ebɔrɛ na gbagba kaŋɛ mo: “Ta eleŋgboŋ nɛ fo kɔ ere n ya kɔ n sɔ Israɛlebi na ashi Midianebi na be enɔ to. Ma e naa shuŋi fo!”

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.

1 Samuɛl 12:11

Nɛ Enyɛnpe Ebɔrɛ shuŋi Gidiɔn nɛ Barak nɛ Jɛfta nɛ ma, nɛ an mɔlga menyi ashi men doŋana kutɔ nɛ men nya menyi be amu.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.

1 Samuɛl 17:45

Nɛ Deevid kaŋɛ mo le: “Fo ere ta tokobi nɛ kekpa nɛ chutre nna m ba nɛ fo ba kɔ ma, ama ma ere ba nna nɛ m ba kɔ fo ashi Enyɛnpetale nɛ e la Israɛl be benapo be Ebɔrɛ mo nɛ fee keni jiga na be ketre to.

1 Samuɛl 2:11

Kede be kaman nɛ Ɛlkana nɛ Haana bɛta n yɔ bumo be kade to Raama, ama kebinyɛnsobi Samuɛl bre daŋ shir bɔrɛmatapo Eli kutɔ nna ashi Shilo a shuŋ Enyɛnpe Ebɔrɛ na.

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 2:4

Fo Enyɛnpe e naa buri benapo lempo be ata kikɛ to nsaa sa bepɔshipo eleŋ.