Hibruwebi 11:3 - EBƆRƐ BE KAWƆL

³ Yirda so nɛ an pin fanɛ kamalga nɛ Ebɔrɛ daŋ ta n to esoso nɛ kasawule kikɛ. Amoso, asɔ nɛ anyee wu ere shi kusɔ nɛ esa daa maŋ wu kenishiso nna.

Hibruwebi 11:3 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

Romebi 4:17

Loŋ nɛ abɔrɛsibɛ na bee kaŋɛ fanɛ Ebɔrɛ kaŋɛ Eebraham le na. E yɛ: “N ta fo ŋ ki efuli damtaana so ebi bumo tuto.” Amoso, Ebɔrɛ be anishito Eebraham nɛ e daŋ yirda mo ere Ebɔrɛ nɛ e bee sa basa wuso ŋkpa nsaa shin nɛ asɔ nɛ a maŋ wɔ durnya to bee fara kebaawɔtɔ na e la an tuto.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

1 Timoti 4:5

Ŋkpal manɛ so, Ebɔrɛ be kamalga na nɛ kabɔrɛkule na nɛfa kumo nɛ k ki kusɔ lela Ebɔrɛ be anishito.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

Hibruwebi 6:5

B tea nyi kananɛ Ebɔrɛ be kamalga na walɛ n sa bumo nsaa nyi Ebɔrɛ be jemanɛ nɛ k bee ba na be eleŋ be asheŋ.

2 Pita 3:5

Ama le be basa ere bee kute nna a kini kepin fanɛ dra na Ebɔrɛ daŋ malga nna nɛ esosoana nɛ kasawule daŋ fara kebaawɔtɔ. Nchu nɛ e daŋ ta nseŋ naŋ bɔla amo so ŋ jɔŋɛ kasawule.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”