Hibruwebi 11:29 - EBƆRƐ BE KAWƆL

²⁹ Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Hibruwebi 11:29 ပူးပေါင်းရင်းမြစ်များ

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Nshɛ 66:6

Mo e shin nɛ teku wɔlto ŋ ki kasawule, nɛ an nananyɛnana nite kumo to n dii, nɛ an ji eyur ŋkpal kusɔ nɛ e wora na so.

Nshɛ 78:13

E daŋ shin nɛ teku na ku to nna, nseŋ shin nɛ nchu na ki fanɛ egbal a yil, nɛ e juŋkpar bumo m bɔla kumo to n choŋ.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 14:22

Nɛ Israɛl be basa na bɔla kumo be nferinto n nite kasawule wɔlso na so n choŋ, nɛ nchuana na ki fanɛ egbalana ashi bumo be jisa so nɛ bumo be bena so kikɛ.

Ɛksodɔs 14:27

Kare ka bee chɛ na nɛ Mosis teŋi mbe kekpabi n shoŋi teku na nɛ k naŋ bɔlɔ fanɛ kananɛ k daa du na. Nɛ Ijipt be benapo na wora ania fanɛ baaŋ shile n lar nchu na to nɛ Enyɛnpe Ebɔrɛ shin nɛ nchu na ji bumo kikɛ.

Joshuwa 2:10

Ŋkpal manɛ so, an nu kananɛ Enyɛnpe Ebɔrɛ na shin nɛ teku peper na wɔlto saŋɛ nɛ men lar ljipt be efuli so a ba na, nɛ kananɛ men kɔ Sihɔn nɛ Ɔg nɛ b daa ji kuwura Amɔriebi be kasawule nɛ k wɔ Jɔɔdan be epeŋilarkpa na kena m mur bumo nɛ bumo be asɔ kikɛ na be asheŋ.