Hibruwebi 11:27 - EBƆRƐ BE KAWƆL

²⁷ Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Hibruwebi 11:27 ပူးပေါင်းရင်းမြစ်များ

Nshɛ 16:8

Enyɛnpe Ebɔrɛ na be asheŋ deŋ ma kagbene so nna saŋkama. Ŋkpal e ka taga ma to so, shɛŋ shɛŋ maa keta ma kufu.

Ɛksodɔs 11:8

Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 12:11

Kusɔ nɛ menyeeŋ wora nde: Men ta men be asɔbuusoana m buu nseŋ kre to kpakpa n ta men be asɛbtaana n wɔtɔ, nseŋ ta men be akpabi malɛ ŋ keta. Men we eblaŋ na malɛ manaŋ manaŋ, ŋkpal manɛ so, k la kebansonchoŋ be kejigboŋ nɛ k bee maŋkura ma, Enyɛnpe Ebɔrɛ na nna.

Ɛksodɔs 12:50

Ndoŋ nna nɛ Israɛlebi na kikɛ wora kasonu nseŋ wora asɔ nɛ Enyɛnpe Ebɔrɛ yili n sa Mosis nɛ Ɛɛrɔn na kikɛ.

Ɛksodɔs 4:19

Kede be kaman nɛ Enyɛnpe Ebɔrɛ naŋ kaŋɛ Mosis ashi Midian: “Bɛta n yɔ Ijipt be efuli so, ŋkpal manɛ so, basa nɛ b daa fin fo nɛ b mɔ na kikɛ kuraa wu.”

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Maak 13:13

Ekama beeŋ kishi menyi ŋkpal ma so. Ama esa kama nɛ e ji kanyiti n ya fo lalaloge na beeŋ nya kumɔlga.

Maak 4:17

Ama k maa luri bumo to nɛnɛ, amoso, b maa yirda a yɔ kufɔ. Awurfoŋ nɛ tɔrɔ baŋ tu bumo ŋkpal kamalga na so, epul na to nɛ b bɛ so ŋ gben.

Ashuŋ Shunso 2:25

Ŋkpal manɛ so le nɛ Deevid daŋ malga mbe asheŋ ŋ kaŋɛ: ‘Mee wu Enyɛnpe saŋkama ma anishito, ŋkpal manɛ so, e wɔ ma kutɔ nna a chɛ ma to nɛ basa e sa maŋ tiŋ n tɔrɔ ma.

1 Kɔrintebi 13:7

Kasha wɔ esa to e maa gben a yige kusɔ kama to, e bee yirda kusɔ kama nna a tama kusɔ kama nsaa yil to kanyitiso malɛ saŋkama.

2 Kɔrintebi 4:18

Ŋkpal manɛ so, anyi be nfɛra yuu asɔ nɛ esa maaŋ tiŋ n wu kenishiso na nna, mannɛ asɔ nɛ basa bee wu kenishiso. Kusɔ nɛ anishi malɛ bee wu maa chɛr ko, ama kusɔ nɛ basa maaŋ tiŋ n wu kenishiso bre wɔtɔ nna mbaanaayɔ.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Hibruwebi 10:32

Men baa nyiŋi kananɛ asheŋ daa du n sa menyi dra na, saŋɛ nɛ Ebɔrɛ be kefulto na daŋ ba menyi to be kaman na. Kumo be jemanɛ na men daŋ ji etɔrɔ damta, ama amo be saŋɛ na menyi daa maŋ tɔr.

Hibruwebi 11:1

To, manɛ e la yirda? Yirda la kebaanyi geeŋ fanɛ anyeeŋ nya asɔ nɛ anyee tama na nseŋ naa nyi fanɛ asɔ nɛ anyi maaŋ tiŋ n wu kenishiso na kikɛ wɔtɔ nna kashenteŋto.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.