Hibruwebi 11:25 - EBƆRƐ BE KAWƆL

²⁵ Ketu Ebɔrɛ be basa na a wɔ tɔrɔ to daŋ par mo a chɔ kedaa wɔ alubi be ebel to nchɛnnyɔ ko.

Hibruwebi 11:25 ပူးပေါင်းရင်းမြစ်များ

Job be kawɔl 20:5

basa lubi be kagbenefuli maa chɛr.

Job be kawɔl 36:21

Baa de so nɛ fo maaŋ kilgi n yɔ alubi nɛ fee fɛ fanɛ amo a bɔ awurfoŋ nɛ fee ji na to.

Nshɛ 47:9

Durnya be bejuŋkparpo kikɛ ba abar so nna m ba ki an nananyɛn Eebraham be Ebɔrɛ na be basa. Durnya to be bewura kikɛ la Ebɔrɛ peya nna. Kemaŋkura e baa la Ebɔrɛ na peya.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Aizaaya 21:4

Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Danɛl 3:18

Ama, hale nɛ E maŋ mɔlga anyi gba Yiramu, anyi maaŋ shuŋ fo agbir, anyi alɛ maaŋ jɔŋɛ shuwa be kapɔrduli nɛ fo pɔr n yili na gba.”

Matiu 13:21

Ama k maa luri mo to nɛnɛ, amoso, e maa yirda a yɔ kufɔ. Awurfoŋ nɛ tɔrɔ baŋ tu mo ŋkpal kamalga na so, epul na to nɛ e bɛ so ŋ gben.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

Hibruwebi 10:32

Men baa nyiŋi kananɛ asheŋ daa du n sa menyi dra na, saŋɛ nɛ Ebɔrɛ be kefulto na daŋ ba menyi to be kaman na. Kumo be jemanɛ na men daŋ ji etɔrɔ damta, ama amo be saŋɛ na menyi daa maŋ tɔr.

Hibruwebi 11:37

Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

Jeems 1:20

ŋkpal manɛ so, mannɛ kanya agbo so nɛ esa bee bɔla a wora alelasheŋ nɛ a bee par Ebɔrɛ.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’