Hibruwebi 10:5 - EBƆRƐ BE KAWƆL

⁵ Amoso, Kristo ka daŋ ba durnya to na, le nɛ e daŋ malga Ebɔrɛ be asheŋ ŋ kaŋɛ: “Mannɛ esarga nɛ ŋkɛana nɛ fo daa sha, ama eyur nɛ fo wora n sa ma na.

Hibruwebi 10:5 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Aizaaya 1:11

Ebɔrɛ yɛ: “Men tama fanɛ mee sha esarga nɛ menyee lara a sa ma ere kikɛ nna a? Mbolpɔ nɛ asɔbɔya pɔtɛ be eblaŋ be alela akpa nɛ menyee chɔɔ a lara esarga a sa ma na fi ma. Ma alɛ maŋ naa sha egbolu nɛ mbolpɔ nɛ mboe be ŋklaŋ gba.

Aizaaya 40:16

Nɛ esa ta Lebanɔn be kupo to be asɔbɔya kikɛ n lara sarga n sa anyi be Ebɔrɛ na, a kraŋ maaŋ fo mo; kumo to be ndibi kikɛ gba maaŋ fo m puga sarga be edɛ.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 31:22

Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Matiu 11:3

“Fo e la emo nɛ e beeŋ ba na ŋko an baa kraa jo amodoŋwura?”

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 7:19

nɛ e tre bumo to be benyɔ n shuŋi bumo Enyɛnpe na kutɔ nɛ b ya bishi mo: “Fo e la emo nɛ e beeŋ ba na ŋko an baa kraa jo amodoŋwura a?”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 1:6

Ade be kaman, Ebɔrɛ ka daa sha kebar mo Pibinyɛn juŋkparso na durnya to na, le nɛ e daŋ kaŋɛ: “A daga fanɛ Ebɔrɛ be emalaika kikɛ ka bunyaŋ mo.”

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 10:7

Ade so nɛ n daŋ kaŋɛ fo le na: ‘Ebɔrɛ, ma nde nɛ n wora fo aparsheŋ fanɛ kananɛ b sibɛ abɔrɛsibɛ na to a kaŋɛ ma asheŋ na.’ ”

Hibruwebi 10:8

Men keni kusɔ nɛ e fara ŋ kaŋɛ. E yɛ: “Fo maa sha esarga nɛ ŋkɛana nɛ asɔbɔya nɛ b chɔɔ a lara esarga nɛ esarga mo nɛ a bee kule alubi be ketampaŋ. Fo maa sha amo nɛ amo alɛ maa par fo,” ŋkeshin nɛ mbra na to nɛ b daŋ yili amo fanɛ loŋ e baa wora.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.