Hibruwebi 10:34 - EBƆRƐ BE KAWƆL

³⁴ Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 10:34 ပူးပေါင်းရင်းမြစ်များ

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Matiu 19:21

Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 10:42

Kusɔ koŋwule e baŋ daga, kumo alɛ nɛ Mɛɛri lara na. Esa kikɛ maaŋ tiŋ n sɔ kumo ŋ ka mo.”

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 9:25

Nɛ fanɛ durnya ere kikɛ ki esa peya nɛ e foe ekpa m mur, manɛ be tɔnɔ nɛ e nya? E maŋ nya tɔnɔ kikɛ.

Ashuŋ Shunso 21:33

Nɛ enimu na yɔ Pɔɔl kutɔ n ya shin nɛ b pɛ mo nseŋ shin nɛ b ta ŋgbɛlɛbi anyɔ ŋ kre mo. Kumo be kaman nɛ e bishi: “Nuso be esa e la kanyɛn ere, nɛ manɛ nɛ e wora?”

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Kɔlɔsiebi 1:5

ŋkpal men ka bee tama asɔ nɛ Ebɔrɛ bela n yili menyi ebɔrɛso so.

1 Timoti 6:19

Le be asheŋ ere e naaŋ shin nɛ b nya asɔ nɛ baaŋ fute n yige so kachako so. Nɛ baa wora loŋ, baaŋ nya ŋkpa gbagba na.

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 13:14

Ŋkpal manɛ so, nfe ere, anyi maŋ kɔ kade mo nɛ k baa wɔtɔ mbaanaayɔ, kade mo nɛ k beeŋ ba na be ekpa nɛ anyee keni.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

Jeems 1:2

Ŋ kurgepoana, saŋkama nɛ men baŋ luri kechɔŋkeni be yiri kikɛ to, men shin nɛ men be ŋgbene e baa fuli menyi.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.