Hibruwebi 10:33 - EBƆRƐ BE KAWƆL

³³ Men nyiŋi saŋko b ka daa bugi to a tege menyi nseŋ daa tɔrɔ menyi nɛ saŋko malɛ b daa wora basa nɛ men daa maŋ lar bumo kaman na loŋ ŋko?

Hibruwebi 10:33 ပူးပေါင်းရင်းမြစ်များ

Nshɛ 69:9

Kasha nɛ ŋ kɔ n sa fo bɔrɛlambu na bee chɔ ma to nna fanɛ edɛ, nɛ basa baa tege fo, k bee lɛa ma alɛ gba nna.

Nshɛ 71:7

Ma kebaawɔtɔ ki tɔɔnɛ nna n sa basa damta ŋkpal fo ka la ma ekumpo lempo so.

Nshɛ 74:22

O Ebɔrɛ, koso ŋ kɔ n sa fo kumu! Baa nyiŋi kananɛ bewulpo na wora fo eyurto kachɛ lelemu kikɛ na.

Nshɛ 79:12

O Enyɛnpe Ebɔrɛ, fo e naaŋ ka efuli pɔtɛana nɛ a kulti anyi ere kukɔ ale shunu so; ŋkpal b ka tege fo na so.

Nshɛ 89:51

O Enyɛnpetale Ebɔrɛ, fo doŋana bee tege ewura nɛ fo lara n sa fo kumu nna na. Kaplɛkama nɛ e yɔ, baa tege mo nsaa wora mo eyurto nna.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Nahum 3:6

Meeŋ shin nɛ fo ki kusɔ jiga nɛ kusɔyurpi; nɛ kumo be loŋ e chinchiŋ basa, nseŋ pɛ bumo kufu.

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

1 Kɔrintebi 4:9

K bee wora ma nna fanɛ Ebɔrɛ ta anyi beshuŋipo nna m bɛ ekama be kaman nɛ an baa du fanɛ basa nɛ b ji n tɔr n daga kewu kelɔnɛ so na. B yili anyi kefulto so nna geeŋ, emalaika nɛ basa kikɛ be anishito, kumo e la fanɛ durnya kikɛ be anishito.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 4:14

Ama mee chɔrɔ menyi ga ŋkpal kananɛ men chɛ ma to ashi ma etɔrɔ na to so.

1 Tɛsalɔnikaebi 2:14

Ŋ kurgepoana, kusɔ nɛ k wora menyi na koŋwule na e wora bumo nɛ baa bɛ Ebɔrɛ so a wɔ Judiya na gba. Bumo e la bumo nɛ b la Yesu Kristo peya na. Kananɛ men be efuli so ebi bee tɔrɔ menyi na nɛ Juwebi na ta n tu bebɛsopo nɛ b wɔ Judiya to na gba.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.

Hibruwebi 12:4

Ŋkpal manɛ so, menyi be kekɔ alubi n ju amo ashi menyi to kikɛ, men maŋ naŋ fo saŋɛ nɛ a daga fanɛ menyi be ŋklaŋ ka lar menyi to.

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.