Hibruwebi 10:29 - EBƆRƐ BE KAWƆL

²⁹ To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 10:29 ပူးပေါင်းရင်းမြစ်များ

2 Bewura 9:33

Nɛ Jehu ponte ŋ kaŋɛ bumo le: “Men ta Jɛzebel n lɛ tokuro na to!” Ndoŋ nna nɛ b ta mo n lɛ to nɛ egbaŋɛ chichi mo so nɛ mbe ŋklaŋ fiɛ egbal na nɛ egbaŋɛ nɛ b chichi mo so na. Nɛ Jehu dii mbe egbaŋɛturko n ya chichi mbe kebuni na so,

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 91:13

Feeŋ pɔɔ ebuluŋ lempo so nseŋ chichi awɔ lubi gba so, nɛ e maaŋ tiŋ n wora fo shɛŋ.

Ɛksodɔs 24:8

Ndoŋ nna nɛ Mosis ta ŋklaŋ na be amo nɛ a wɔ ntishaŋ to na malɛ ŋ ŋmenyaŋ basa na so nseŋ kaŋɛ le: “Men keni kɔnɔkoŋwule be ŋkre nɛ menyi nɛ Enyɛnpe Ebɔrɛ bɔla mmalga ere kikɛ so n nase na be ŋklaŋ nna na.”

Aizaaya 14:19

ama fo ere maŋ kɔ loŋ be ebu ere. B ta fo kebuni nna n lɛ nɛ k dese m bɛ. Esoji e wu kena to n deŋi fo kebuni so nɛ b ta fo nɛ bumo kikɛ n wɔtɔ kefalta be kemaŋ to nseŋ gbare eshishɛr n deŋi so n chichi so.

Aizaaya 28:3

Bejuŋkparpo booso na be kusɔ nɛ baa puchi so beeŋ mur nɛ basa e baa chichi kumo a choŋ.

Aizaaya 63:10

Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Ezikɛl 16:6

Ndoŋ nna nɛ m bɔla ndoŋ a choŋ nseŋ wu fo nɛ fo dese fo gbagba be ŋklaŋ to a to aya to nɛ ŋ kaŋɛ fanɛ m maaŋ shin nɛ fo wu.

Danɛl 8:13

Kumo be kaman nɛ n nu Ebɔrɛ be emalaika na be eko ka bee bishi mo barkasa le: “Nchɛ afanɛ nɛ asɔ nɛ b wu bɔrɛdare ere to ere beeŋ ji n ya fo? Nchɛ afanɛ nɛ le be alubisheŋ nɛ a maŋ walɛ kekeni ere beeŋ sɔ karechɛ kama be esarga be kelara ere be kakpa? Alɛ fanɛ nɛ baaŋ chichi n chichi ebɔrɛso be benapo na nɛ bɔrɛlambu na so?”

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Matiu 7:6

Men sa maa ta kusɔ cheembi a sa njɔnɔ. Menyi alɛ e sa maŋ naa ta menyi be eyawu kpakpaso be ashembi a lɛ a sa epreku, ŋkpal manɛ so, epreku na beeŋ chichi amo so nɛ njɔnɔ na malɛ e kilgi n diewu n wora menyi.”

Maak 7:2

B daŋ wu fanɛ mbe bebɛsopo ko daa kɔ enɔyurpi nna a ji ajibi, kumo e la fanɛ b daa maŋ fɔr bumo be enɔana fanɛ kananɛ Efarisiana na daŋ ŋini na pɔɛŋ nsaa ji.

Luuk 12:10

Ekama nɛ e malga ŋ gbiti ma, Nyiŋgbasa Pibinyɛn beeŋ nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be loŋ be keyigempaŋ.

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

1 Kɔrintebi 11:27

Amoso, ekama nɛ e we Enyɛnpe be bodobodo na nseŋ nuu asɔrso be asɔnuuso na ekpa nɛ k maŋ daga so, wora alubi nna ŋ gbiti Enyɛnpe be eyur nɛ mbe ŋklaŋ na nna na.

1 Kɔrintebi 11:29

Ŋkpal manɛ so, ekama nɛ e ji kejibi na nseŋ nuu asɔnuuso na ashi kawiebi na to nsaa maŋ nyi kusɔ nɛ eyur na bee ŋini, bee ji nna nsaa nuu kasogberge a sa mbe kumu nna na.

1 Kɔrintebi 15:25

Ŋkpal manɛ so, a daga fanɛ e baa ji kuwura loŋ n ya fo saŋɛ nɛ Ebɔrɛ beeŋ ta mo doŋana kikɛ n wɔtɔ mbe enɔ to na.

1 Kɔrintebi 15:27

Loŋ malɛ nɛ abɔrɛsibɛ na bee kaŋɛ na fanɛ: “Ebɔrɛ ta kusɔ kama m bɔɔ mo enɔ,” ama kananɛ k bee kaŋɛ fanɛ kusɔ kama ere maa ŋini fanɛ Ebɔrɛ mo nɛ e bee ta kusɔ kama a bɔɔ Kristo enɔ na gba ti kusɔ kama na so nna.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.

Hibruwebi 6:6

Ade malɛ kikɛ nɛ b nyi nseŋ foe ekpa na. Amoso, kenaŋ bɛta bumo m ba kelar bumo be alubi to maaŋ tiŋ n wora, ŋkpal manɛ so, bumo ere naa gbir Ebɔrɛ Pibinyɛn na nna a mata kedibi largato na so nna na n naa ŋaba mo basa kikɛ be anishito.

Hibruwebi 9:13

Nɛ kananɛ b daŋ ta mboeana nɛ egboluana be ŋklaŋ nɛ ana fɔlbi be nsunɔ ŋ ŋmenyaŋ n wurge basa nɛ b daa kɔ eyurpi bumo so na so nɛ a lar bumo so nɛ b nyalɛ so ere,

Hibruwebi 9:20

nseŋ kaŋɛ le: “Kɔnɔkoŋwule be ŋkre be mbra nɛ Ebɔrɛ kaŋɛ fanɛ men baa bɛ kumo so na nna na.”

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,