Hibruwebi 10:28 - EBƆRƐ BE KAWƆL

²⁸ Esa kama nɛ e keni anebi Mosis be mbra na jiga nɛ basa anyɔ baŋ ji kumo be loŋ be shɛda, amodoŋwura bee wu nna, kuwɔr maŋ wɔtɔ n sa mo.

Hibruwebi 10:28 ပူးပေါင်းရင်းမြစ်များ

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Nɔmbɛs 15:36

Nɛ b keta kanyɛn na n lar keeyi na to n ya kpla mo ajembu m mɔ fanɛ kananɛ Enyɛnpe Ebɔrɛ kaŋɛ Mosis na.

Matiu 18:16

Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so.

Baru lela nɛ Jɔn kute na 8:17

Menyi alɛ gbagba be mbra to nɛ b sibɛ fanɛ basa anyɔ baŋ ji kesheŋ koŋwule be shɛda, kesheŋ na la kashenteŋ nna.

Romebi 9:15

Ŋkpal manɛ so, le nɛ e daŋ kaŋɛ anebi Mosis: “Esa nɛ mee sha kewu kuwɔr, nɛ mee wu kuwɔr nsaa shu a sa esa nɛ mee shu a sa.”

2 Kɔrintebi 13:1

Ŋ ka bee ba nɛ m ba bɔɔ menyi so ere e ti so kela sasopo. Abɔrɛsibɛ na malɛ e naa kaŋɛ loŋ fanɛ a daga fanɛ kesheŋ kama, basa anyɔ ŋko besa e ji kumo be shɛda pɔɛŋ nɛ k nya edesekpa.

Ditɛronɔmi 19:13

B maaŋ wu fo kuwɔr. A daga fanɛ b lara basa mɔpo kikɛ ashi Israɛl be efuli so, saŋɛ na so asheŋ beeŋ baa nite nɛnɛ.

Ditɛronɔmi 19:15

Esa koŋwule be shɛda maaŋ tiŋ n shin nɛ esa e ji n tɔr ashi kulubi to. Kanaŋkama, basa anyɔ ŋko besa e daga fanɛ b ji shɛda pɔɛŋ nɛ esa e ji n tɔr ashi kulubi to.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:2

Baru mo nɛ k daŋ bɔla emalaika so m ba na daa la kashenteŋ nna, ŋkpal manɛ so, ekama nɛ e daa maŋ bɛ bumo so ŋko n nu n sa loŋ be kubɔya na, amodoŋwura daa nya kumo be kasogberge nɛ k daga mo nna.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.