Hibruwebi 10:27 - EBƆRƐ BE KAWƆL

²⁷ Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.

Hibruwebi 10:27 ပူးပေါင်းရင်းမြစ်များ

Nshɛ 21:9

Fo kaŋ ba, feeŋ ta edɛ fuful n chɔɔ bumo m mur, nɛ fo agbo e shin nɛ b ki fanɛ edɛ be kepa.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Ezikɛl 38:19

nɛ n nya agbo n shin nɛ kasawule e gbuŋgbuŋ eleŋ so ashi Israɛl be efuli so.

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Jowɛl 2:30

Kumo be kamɔnchɛ, meeŋ sa menyi kefiɛso be etɔɔnɛsheŋ nɛ e shi awɔlpa to nɛ kasawule so. Kumo be jemanɛ so, basa ko be ŋklaŋ beeŋ lar edɛ beeŋ suse n shin nɛ edishi e sɔ awɔlpa to kikɛ.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Matiu 13:42

n lɛ edɛ wuloŋwuloŋ to. Ndoŋ nɛ basa wɔtɔ a shu nsaa we anyi to na.

Matiu 13:50

Ndoŋ nɛ basa wɔtɔ a shu nsaa we anyi to na.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Luuk 16:24

Ndoŋ nna nɛ e lara ebɔl n tre Eebraham ŋ kaŋɛ mo le: ‘Etuto Eebraham, wu ma kuwɔr nseŋ shuŋi Lazɔrɔs nɛ e ta mbe keshilbi n wɔtɔ nchu to m ba do ma kudonduloŋ so nɛ k wushi ma, ŋkpal manɛ so, ebesa gbagba e naa tɔrɔ ma edɛ wuloŋwuloŋ ere to na.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Luuk 21:26

Kufu beeŋ pɛ basa, hale nɛ b ya kaa chɛl ŋkpal emamachisheŋ nɛ baaŋ wu a ka beeŋ wora durnya ere to so, ŋkpal manɛ so, ebɔrɛso be eleŋana kikɛ beeŋ wea abarto.

Luuk 23:30

Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’

Baru lela nɛ Jɔn kute na 5:29

nseŋ lar bumo be nchaŋana na to nɛ bumo nɛ b wora alelasheŋ na e tiŋi a wɔ ŋkpa to nɛ bumo nɛ b wora alubisheŋ na malɛ e tiŋi n luri kasogberge to.

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

Jeems 5:3

Men be eshuwa nɛ egbiti gba kreŋ so a jija. Amo be kananɛ a du na e naa ŋini fanɛ men maŋ wora n nyalɛ nɛ kumo alɛ naa ji a luri men be eyurana to fanɛ edɛ na. Lalaloge be nchɛ to nɛ an wɔ na, ama men keni kananɛ men bela asɔ damta m miiri so n yili loŋ.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

1 Samuɛl 2:25

Nɛ fanɛ esa ko baŋ wora n da mo barkasa so, Ebɔrɛ beeŋ tiŋ n lɔŋɛ bumo be kefɛato, ama nɛ fanɛ esa wora n da Ebɔrɛ so wanɛ malɛ e naaŋ tiŋ n lɔŋɛ bumo be kefɛato?” Ama ŋkpal Enyɛnpe Ebɔrɛ na ka daŋ yili kumo fanɛ e beeŋ mɔ bumo so, mbinyɛnsobi na daŋ maŋ nu n sa kusɔ nɛ bumo tuto daŋ kaŋɛ bumo na.