Hibruwebi 10:23 - EBƆRƐ BE KAWƆL

²³ Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 10:23 ပူးပေါင်းရင်းမြစ်များ

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nfabel 3:23

Esa beeŋ tiŋ n yirda Enyɛnpe Ebɔrɛ na jemanɛ kikɛ nɛ e baa wu mo kuwɔr kachipurso kikɛ.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

2 Kɔrintebi 9:13

Ŋkpal menyi alɛ be kushuŋ lela nɛ men shuŋ ŋ ŋini basa nɛ men la ere so, basa beeŋ chɔrɔ Ebɔrɛ ŋkpal men ka ta kasonu n ti men be shɛda mo nɛ menyee ji a kaŋɛ Kristo be baru lela na be asheŋ na so nɛ kananɛ menyee sha kebaakɛ bumo nɛ basa kama men be kanya to be asɔ na so.

1 Tɛsalɔnikaebi 5:24

Emo nɛ e tre menyi na beeŋ wora le be asheŋ, ŋkpal manɛ so, e la emo nɛ esa beeŋ tiŋ n yirda nna.

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 11:11

Yirda e daŋ shin nɛ mbe eche Sɛɛra daŋ bel nseŋ daŋ nya eleŋ n di kedampo, ŋkpal manɛ so, e daŋ baa nyi geeŋ fanɛ esa nɛ e daŋ sa mo loŋ be kɔnɔ naseso na daa beeŋ wora kusɔ nɛ e daŋ kaŋɛ fanɛ e beeŋ wora na.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Jeems 1:6

Ama fo kama nɛ fo kule mo kusɔ kama, fo yirda fanɛ e beeŋ sa fo kumo nsaa maa wora shikashika, ŋkpal manɛ so, esa kama nɛ e bee kule Ebɔrɛ asɔ nsaa wora shikashika, du fanɛ afugboŋ ka bee kaa ketili nchu so a yɔ a ba na nna.

Kelaraŋŋini 3:11

M maaŋ naŋ chɛr nseŋ ba, men baa kɔ kusɔ nɛ men tea kɔ to na to kpakpa nɛ esa kikɛ e sa maŋ tiŋ n sɔ men be kekɔmpɔɔso be tɔnɔ.