Hibruwebi 10:22 - EBƆRƐ BE KAWƆL

²² men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 10:22 ပူးပေါင်းရင်းမြစ်များ

1 Bewura 15:3

E daa maa ji kashenteŋ a sa Enyɛnpe mbe Ebɔrɛ na fanɛ kananɛ mo nananyɛn ewura Deevid daa wora na. E daa wora alubi nɛ mo tuto ewura Rehoboam daŋ wora na nna.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 119:10

Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 119:145

O Enyɛnpe Ebɔrɛ, ma kagbene kikɛ nɛ ŋ kɔ a tre fo, nu ma ketre ere n shin nɛ n wora fo mbraana kasonu.

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 119:58

Mee kule fo nna ashi ma kagbene to kikɛ fanɛ fo wu ma kuwɔr fanɛ kananɛ fo nase kɔnɔ na.

Nshɛ 119:69

Kamoowuwuraana ku efɛ n deŋi ma a fin kejija ma ketre; ama ma kagbene kikɛ nɛ ŋ kɔ a bɛ fo mbraana na so.

Nshɛ 119:7

Ma kekoya fo mbra niŋiso na e naŋ shin nɛ ŋ kpaŋ fo kagbenefuliso.

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Nshɛ 73:28

Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 9:1

Enyɛnpe Ebɔrɛ, meeŋ bugi ma kagbene kikɛ n fur fo, nseŋ kaŋɛ etumasesheŋ nɛ fo wora kikɛ.

Nshɛ 94:15

Demujipoana beeŋ baa ji asheŋ nɛ amo be ekpa so, nɛ basa niŋiso malɛ e yili bumo be kaman.

Ɛksodɔs 29:4

Kede be kaman nɛ men shin nɛ Ɛɛrɔn nɛ mbe bibinyɛn na e ba Enyɛnpe Ebɔrɛ be wajɛbu na be kabuna to m ba bɛr daŋkare be ekpa so.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 52:15

Ma kenya na beeŋ sa efuliana na be basa ekpa nɛ b ki basa nɛ baaŋ tiŋ n shuŋ ma Enyɛnpe Ebɔrɛ na. Bewura beeŋ wu mo nɛ k wora bumo mamachi nseŋ mɔ bumo be nnɔ. Efuli pɔtɛana be basa beeŋ wu asɔ nɛ b maŋ naŋ wu ŋ ku so, nseŋ fɛ asɔ nɛ b maŋ naŋ fɛ amo be asheŋ ŋ ku so be nfɛra.”

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 30:21

Ma basa be ejuŋkparpo beeŋ shi bumo be efuli so nna, nɛ bumo be ewura e shi bumo gbagba be basa to. Nɛ m baŋ teŋi enɔ n tre mo e beeŋ ba ma kutɔ, ŋkpal manɛ so, esa kikɛ maŋ tiŋ m ba ma kutɔ nɛ m maŋ tre mo. Baaŋ baa la ma basa, nɛ ma alɛ e baa la bumo be Ebɔrɛ. Ma, Enyɛnpe Ebɔrɛ e kaŋɛ na.”

Ezikɛl 16:9

Kumo be kaman nɛ m bɛr fo nchu n fɔr fo ŋklaŋ na kikɛ nseŋ gbiti fo ɔlif be ŋku.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 16:4

E beeŋ bɛr nchu pɔɛŋ nseŋ ta mbe kabɔrɛmata be epiŋi tenteŋ m buu n deŋi kumo be danshiki so nseŋ ta wajɛchɛbi be kreso paŋgelambi na ŋ kre so nseŋ naŋ ta neemu m mɛa kumu.

Levitikɔs 8:6

Kumo be kaman nɛ e shin nɛ Ɛɛrɔn nɛ mbe mbinyɛnsobi lar m ba yili anishito nɛ e shin nɛ b bɛr daŋkare be ekpa nɛ Enyɛnpe Ebɔrɛ ŋini bumo na so.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Nɔmbɛs 8:7

Ale nɛ feeŋ wora: Feeŋ ta alubi be kefɔrso n lar daŋkare be ekpa so be nchu na ŋ ŋmenyaŋ bumo so, kumo be kaman nɛ fo shin nɛ b she bumo be eyur so be afuibi kikɛ nseŋ fɔr bumo be epiŋi pɔɛŋ nseŋ nyalɛ so daŋkare be ekpa so.

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Luuk 1:1

N teri lela Tiɔfiles, fo nyi kananɛ basa

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 8:9

Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Ɛfesesebi 3:12

Mo to nɛ keyirda mo so nɛ anyeeŋ tiŋ m ba Ebɔrɛ be anishito a maa wora shikashika kikɛ.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ɛfesesebi 6:5

Anya, men baa nu a sa men be durnya ere to be benyɛnpe a ŋana bumo a chicha. Men baa ta kagbene koŋwule a wora kumo fanɛ Kristo gbagba nɛ menyee shuŋ.

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Hibruwebi 10:1

Kashenteŋto, mbra na daa la kashenteŋ be asɔ nɛ a bee ba na be nduliana nawule nna, k maŋ la asɔ na gbagba. Amo be kaplɛa so, esarga koŋwule na nɛ baa lara a lara kafɛ kikɛ, amoso, le be mbra ere maŋ tiŋ n ta esa kama nɛ e ba Ebɔrɛ kutɔ ŋ ki esa cheembi kikɛ.

Hibruwebi 10:19

Amoso, bekurgepoana, naniere bre ekpa baŋ bugi pal nna n dese nɛ an luri acheembiana to be kakpa cheembi na to ŋkpal Yesu be ŋklaŋ na so.

Hibruwebi 11:28

Yirda so nɛ e daŋ fara Kebansonchoŋ be kejigboŋ nseŋ daŋ shin nɛ b ta ŋklaŋ ŋ gbiti mbunaana nɛ malaika murpo na e sa maŋ beta Israɛlebi be kowu kama to be kebinyɛnbi juŋkparso na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so

Jeems 1:6

Ama fo kama nɛ fo kule mo kusɔ kama, fo yirda fanɛ e beeŋ sa fo kumo nsaa maa wora shikashika, ŋkpal manɛ so, esa kama nɛ e bee kule Ebɔrɛ asɔ nsaa wora shikashika, du fanɛ afugboŋ ka bee kaa ketili nchu so a yɔ a ba na nna.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,