Hibruwebi 10:2 - EBƆRƐ BE KAWƆL

² Ŋkpal manɛ so, nɛ fanɛ loŋ be esarga na daa tiŋ a lara basa be alubi ashi bumo to nna, dafanɛ b daa maŋ naŋ lara esargaana ere, ŋkpal manɛ so, b daŋ lar bumo be alubi na to kela koŋwule pati a maŋ naa kɔ alubi be nfɛra bumo to kikɛ.

Hibruwebi 10:2 ပူးပေါင်းရင်းမြစ်များ

Nshɛ 103:12

Kananɛ epeŋilarkpa nɛ epeŋitɔrkpa barga abar a wɔ kufɔ na, aloŋ nɛ Enyɛnpe Ebɔrɛ na lara anyi be alubi ashi anyi so.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Hibruwebi 10:17

Kede be kaman nɛ e naŋ kaŋɛ le: “M maaŋ naŋ nyiŋi bumo be alubi nɛ edalubisheŋ kikɛ.”

1 Pita 2:19

Ŋkpal manɛ so, nɛ men baa ji kasogberge be ebesa mo nɛ k maŋ daga ŋkpal men ka bee fɛ Ebɔrɛ be asheŋ so, menyeeŋ nya nɛfa damta.