Hibruwebi 10:11 - EBƆRƐ BE KAWƆL

¹¹ Kachɛ kama bɔrɛmatapo kama na yil mbe kushuŋ to nna a lara a lara esarga koŋwule gbiiŋ nɛ a maaŋ tiŋ n lara esa be alubi mo to kikɛ na.

Hibruwebi 10:11 ပူးပေါင်းရင်းမြစ်များ

Ɛksodɔs 29:36

Nchɛnshunu na be karechɛ kama malɛ, men ta gbolu n lara alubi be ketampaŋ nɛ bɔrɛsure na be kefɔrso be sarga. Kumo be kaman nɛ men ta ɔlif be ŋku ŋ gbiti bɔrɛsure na so nɛ k ki cheembi.

Aizaaya 1:11

Ebɔrɛ yɛ: “Men tama fanɛ mee sha esarga nɛ menyee lara a sa ma ere kikɛ nna a? Mbolpɔ nɛ asɔbɔya pɔtɛ be eblaŋ be alela akpa nɛ menyee chɔɔ a lara esarga a sa ma na fi ma. Ma alɛ maŋ naa sha egbolu nɛ mbolpɔ nɛ mboe be ŋklaŋ gba.

Ezikɛl 45:4

Ndoŋ beeŋ baa la efuli na kikɛ be kakpa cheembi nɛ k dese n sa bɔrɛmatapoana nɛ baa shuŋ Enyɛnpe Ebɔrɛ ashi bɔrɛlambu na to na. Bumo be nwu beeŋ baa wɔ kumo be kaba nɛ bɔrɛlambu na malɛ e baa wɔ kumo be kaba.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Danɛl 9:21

Ŋ ka bee kule Ebɔrɛ na, nɛ malaika nɛ baa tre Geebriɛl nɛ n daŋ wu mo ashi ma bɔrɛdare sososo na to na, firgi a gbelge to a ba kakpa nɛ n wɔ na. Kumo be jemanɛ nɛ kaaseso be sarga be kelara fo.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Maika 6:6

Manɛ bre nɛ meeŋ ta m ba Enyɛnpetale Ebɔrɛ nɛ e wɔ ebɔrɛso na kutɔ m ba bunyaŋ mo? N ta egbolu lela ga nɛ a ji nfɛ koko m ba lara sarga chɔɔso n sa mo a?

Nɔmbɛs 28:24

Loŋ koŋwule na e daga fanɛ b lara ajibi nɛ amo be efɛa wɔ ebel be sarga n sa Enyɛnpe Ebɔrɛ nchɛ ashunu nɛ a bɛ abar so na gba.

Nɔmbɛs 28:3

B ta nfɛ koko be ekpakpa anyɔ nɛ a maŋ kɔ ndulgi kikɛ n lara karechɛ kikɛ be ajibi be sarga chɔɔso.

Nɔmbɛs 29:6

Men lara amo n ti sarga chɔɔso nɛ menyee lara kufɔl kikɛ be kachɛ juŋkparso na nɛ karechɛ kama be esarga chɔɔso na nɛ amo be nyifu nɛ yabra be esarga nɛ amo be efɛa bee wora Enyɛnpe Ebɔrɛ ebel na so.

Hibruwebi 10:1

Kashenteŋto, mbra na daa la kashenteŋ be asɔ nɛ a bee ba na be nduliana nawule nna, k maŋ la asɔ na gbagba. Amo be kaplɛa so, esarga koŋwule na nɛ baa lara a lara kafɛ kikɛ, amoso, le be mbra ere maŋ tiŋ n ta esa kama nɛ e ba Ebɔrɛ kutɔ ŋ ki esa cheembi kikɛ.

Hibruwebi 10:4

Ŋkpal manɛ so, egbolu nɛ mboe be ŋklaŋ maaŋ tiŋ n lara esa be alubi ashi mo to kikɛ.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.

Hibruwebi 8:2

Mo koŋwule na e naa shuŋ mbe kabɔrɛmata be kushuŋ ashi mboŋ cheembiana to be kakpa cheembi to na, ndoŋ e la kashenteŋ be wajɛlambu nɛ Enyɛnpe gbagba yuu na. Mannɛ nyiŋgbasa gbagba e ta enɔ n wora kumo.

Hibruwebi 8:4

Nɛ e daa wɔ kasawule ere so nna e daa maaŋ ki bɔrɛmatapo kikɛ, ŋkpal manɛ so, basa nɛ baa ta ŋkɛana a bar Ebɔrɛ mbra na be ekpa so tea wɔtɔ.