Hibruwebi 1:14 - EBƆRƐ BE KAWƆL

¹⁴ To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 1:14 ပူးပေါင်းရင်းမြစ်များ

Jɛnesis 32:24

Kumo be kaman nɛ Jeekɔb nawule bɛta n yɔ bumo be echenakpa na nɛ kanyɛn ko ba tu mo ŋ kɔ emaŋ hale nɛ kare ya chɛ.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Nshɛ 104:4

Fo e ta afuana fanɛ fo mbɔ nsaa ta bɔrɛ be kenyɛkpɛ malɛ fanɛ fo nyɛrbi.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 2:13

Basa na ka yɔ nɛ Enyɛnpe be malaika lar Josɛf so edare to ŋ kaŋɛ mo le: “Niŋi to n ta kebia na nɛ mo nio n shile n yɔ Ijipt be efuli so n ya kaa wɔ ndoŋ hale nɛ m ba kaŋɛ fo fanɛ fo naŋ lar ndoŋ. Ŋkpal manɛ so Ewura Hɛrɔd bee fin kebia na nɛ e mɔ.”

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 4:11

Ndoŋ nna nɛ alubipo na yige mo nɛ emalaika ba chɛ mo to.

Maak 10:17

Yesu ka baŋ fara nɛ e pɛ ekpa nɛ kanyɛn ko shile m ba gbir mbe anishito m bishi mo: “Eŋinipo lela, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 1:23

Zakareya be kushuŋ ashi bɔrɛlambu na to be jemanɛ ka ba choŋ nɛ e yɔ epe.

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Luuk 2:13

Epul na to nɛ emalaika damta ba ti emo na so a boŋ nshɛ a di Ebɔrɛ epaŋ a kaŋɛ:

Luuk 2:9

Epul na to nɛ Enyɛnpe be malaika lar bumo so nɛ Enyɛnpe be kemaŋkura nyaŋɛ m buu bumo so nɛ kufu pɛ bumo ga.

Ashuŋ Shunso 11:22

Jerusalɛm be asɔriebi na ka nu kumo be baru nɛ b shuŋi Baanabas Antiɔk.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Ashuŋ Shunso 12:7

Epul na to nɛ Enyɛnpe be malaika ko ba yili ndoŋ nɛ kefulto ko nyaŋɛ n fuli ebu na to nɛ malaika na beta Pita be kekel so n tiŋi mo nseŋ kaŋɛ mo: “Yeŋi so ŋ koso.” Epul na to nɛ ŋgbɛlɛbi na lar mbe enɔana to n tɔr.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

Ashuŋ Shunso 16:26

Nɛ kebembeŋgboŋ ko ba epul na to m ba gbuŋgbuŋ kasawule nɛ ebu na daa yil so na gba to nɛ mbuna na kikɛ bugi epul na to nɛ kabutipoana na be ŋgbɛlɛbiana lar bumo so n tɔr.

Ashuŋ Shunso 27:23

Ŋkpal manɛ so, ndre kanyɛso Ebɔrɛ nɛ e wɔ ma nɛ mee bunyaŋ mo na be malaika kaŋ ba ma kutɔ nna m ba kaŋɛ ma:

Ashuŋ Shunso 5:19

Ama kumo be kanyɛso nɛ Enyɛnpe be malaika ba bugi kabuti na be mbuna nseŋ bar bumo kowu m ba kaŋɛ bumo:

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

Romebi 13:6

To, loŋ koŋwule na malɛ gba so e shin nɛ a daga fanɛ men baa ka elampo na, ŋkpal manɛ so, benimuana na la Ebɔrɛ be anya nna a kɔ bumo be saŋɛ kikɛ a keni abane be asheŋ nɛ amo be ekpa so.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:27

Bumo gbagba e yili kumo loŋ n wora. Kumo alɛ kashenteŋto bre, a daga b ka chɛ loŋ be betirpo na to, ŋkpal manɛ so, kananɛ nnyamase baŋ bɔla Juwebi so n nya abɔrɛsheŋ be nɛfa na koŋwule na a daga fanɛ nnyamase gba ka ta bumo be durnya ere to be asɔ be ako a chɛ Juwebi to.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

2 Kɔrintebi 9:12

Ŋkpal manɛ so, kushuŋ nɛ menyee wora ere maa sa Ebɔrɛ be basa asɔ nɛ a daga bumo nawule nna, ama ekpa damtaana so gba nɛ k bee shin nɛ basa bee bɔla a chɔrɔ Ebɔrɛ.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Galeeshaebi 3:7

Amoso, men baa nyi fanɛ basa kama nɛ b yirda Ebɔrɛ e la Eebraham mo nanabiana.

Galeeshaebi 3:9

Amoso, bumo nɛ b kɔ yirda na nɛ Ebɔrɛ bee ta a ti Eebraham nɛ e la yirdawura na so a nɛfa.

Ɛfesesebi 3:6

Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Taites 3:7

Ŋkpal mbe kuwɔr be kakɛ na so e kpra anyi be alubi ashi anyi so nɛ ŋkpa nɛ k maŋ kɔ ekar nɛ anyee tama na e ki anyeya.

Hibruwebi 10:11

Kachɛ kama bɔrɛmatapo kama na yil mbe kushuŋ to nna a lara a lara esarga koŋwule gbiiŋ nɛ a maaŋ tiŋ n lara esa be alubi mo to kikɛ na.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

Hibruwebi 6:17

Ebɔrɛ daa sha keŋini basa nɛ baaŋ nya kusɔ nɛ e nase kɔnɔ ŋ kaŋɛ fanɛ e beeŋ wora na fanɛ e maaŋ chɛrga mbe kɔnɔ naseso na kikɛ, amoso nɛ e bɔ ntaŋ n sa bumo na.

Hibruwebi 8:6

Ama kananɛ k du ere, Ebɔrɛ sa Kristo kabɔrɛmata be kushuŋ mo nɛ k chɔ bɔrɛmatapoana dra na kikɛ peya nna. Loŋ koŋwule na nɛ Ebɔrɛ nɛ dimɛdi be nferinto be kɔnɔkoŋwule be ŋkre na bɔla kumo so a yil anyi nɛ mo be nferinto na gba chɔ kedra na ŋkpal kepopɔr na be aworbi ka yil Ebɔrɛ be nnɔ naseso na so.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.