Hibruwebi 1:11 - EBƆRƐ BE KAWƆL

¹¹ Kachako esa maaŋ naŋ wu amo kikɛ, ama fo alɛ beeŋ ka a wɔtɔ. Amo kikɛ beeŋ ki adra fanɛ asɔbuuso na.

Hibruwebi 1:11 ပူးပေါင်းရင်းမြစ်များ

Nshɛ 10:16

Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Aizaaya 34:4

Epeŋi nɛ kufɔl nɛ achɛkpabi kikɛ beeŋ foe basa be anishi so nɛ b bɔɔ awɔlpa fanɛ kelaŋ na. Kusɔ kama nɛ k wɔ awɔlpa so beeŋ tɔr to fanɛ afantaŋ ŋko asɔrso ka bolo kedibi so n chuge n tɔr to na.

Aizaaya 41:4

Wanɛ e daŋ shin nɛ le wora? Wanɛ e yili edimɛdi be adrasheŋ n sa bumo? Ma Enyɛnpe Ebɔrɛ nɛ n wɔtɔ sososo na kikɛ na e wora loŋ! Ma, alɛ e naaŋ baa wɔtɔ hale mbaanaayɔ.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 50:9

Enyɛnpe Ebɔrɛ na gbagba e naŋ malga n chɛ ma kɔnɔ n sa ma. Bekama nɛ baa wu ma kulubi nsaa malga a gbiti ma beeŋ mur fanɛ kananɛ kaŋkaŋ bee muu wajɛ a mur na.

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Aizaaya 65:17

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Mee to durnya nɛ ebɔrɛso popɔr nna. Asheŋ dra na kikɛ choŋ nɛ n teŋ amo so kuraa.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Maak 13:31

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ.

Luuk 21:33

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ.

Hibruwebi 12:27

Kananɛ e kaŋɛ ere ŋini fanɛ e beeŋ tia asɔ nɛ b to nɛ a beeŋ tiŋ ŋ gbuŋgbuŋ to na nna na. E beeŋ wora loŋ nɛ asɔ nɛ a maaŋ tiŋ ŋ gbuŋgbuŋ to na e ka.

Hibruwebi 8:13

To, kananɛ e bee tre kɔnɔ naseso ere kusɔ popɔr ere bee ŋini fanɛ e ta sososo peya na nna ŋ ki kedra na. Kusɔ kama malɛ nɛ k chɛr bee dra to nna a maŋ naa chɛr ko nsaa choŋ kuraa.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 21:1

Ndoŋ nna nɛ n wu ebɔrɛso popɔr nɛ kasawule popɔr, ŋkpal manɛ so, ebɔrɛso dra na nɛ kasawule dra na daa maŋ naa wɔtɔ nɛ etekuana malɛ gba daa maŋ naa wɔtɔ.