Heegai 2:9 - EBƆRƐ BE KAWƆL

⁹ Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.

Heegai 2:9 ပူးပေါင်းရင်းမြစ်များ

Aizaaya 60:7

Baaŋ gama abonfu nɛ baa tre Kɛda nɛ Neboyot na be mbolpɔ kikɛ abar so m ba sa menyi fanɛ esarga. Ma, Enyɛnpe Ebɔrɛ na malɛ beeŋ sɔ amo fanɛ ma bɔrɛsure so be esarga, nseŋ shin nɛ ma bɔrɛlambu e nya kemaŋkura n ti so.

Aizaaya 66:12

Kusɔ nɛ Enyɛnpe Ebɔrɛ naŋ kaŋɛ nde: “Meeŋ shin nɛ efuli pɔtɛana so be asɔ lela e ba bɔlɔ Jerusalɛm to nɛ k dii dama fanɛ kananɛ lɔr bee bɔlɔ nchu a dii kepla so na. Menyeeŋ baa du fanɛ kebia nɛ mo nio bee nyipo mo nsaa ŋini mo kasha na nna.

Ezikɛl 43:5

Kumo be kaman, nɛ Enyɛnpe Ebɔrɛ na be Kiyoyu keta ma n luri bɔrɛlambu na be laŋ be epunto be kelɔnɛ so nɛ n ya wu fanɛ Enyɛnpe Ebɔrɛ na be kemaŋkura sɔ bɔrɛlambu na to kikɛ.

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Heegai 1:8

Men dii n yɔ abee so n ya ku ndibi m ba lɔŋɛ ma bɔrɛlambu m pɔr, nɛ ma kagbene e fuli ma nɛ basa e naa bunyaŋ ma kananɛ k daga fanɛ b baa bunyaŋ ma.

Heegai 2:3

“Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko?

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Jeems 2:1

Ŋ kurgepoana, ŋkpal men ka yirda an Nyɛnpe Yesu Kristo nɛ kemaŋkuragboŋ wɔ mo so na so, men sa maa kɔ ŋkpɛato.