Heegai 2:3 - EBƆRƐ BE KAWƆL

³ “Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko?

Heegai 2:3 ပူးပေါင်းရင်းမြစ်များ

1 Kronikɛls 22:5

Le nɛ ewura Deevid daŋ kaŋɛ: “Bɔrɛlambu nɛ m pibinyɛn Sɔlɔmɔn beeŋ pɔr na beeŋ baa walɛ m baŋ so nɛ durnya kikɛ e nu kumo be asheŋ. Ama ŋkpal e ka kraa la kebia a maŋ naŋ pin asɔ damta to na so, a daga fanɛ n wora kumo be shiriya n yili mo.” Amoso ewura Deevid daŋ fin bɔrɛlambu na be kapɔr be asɔ damta nna n yili pɔɛŋ nseŋ wu.

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Ɛzra 3:12

Basa kpar nɛ b daa la bɔrɛmatapoana nɛ Livaiebi nɛ nnaŋ be benimuana na be galeŋga ka daa nyi kananɛ lambu dra na daa du so, b ka wu kepopɔr ere be gbaltɔlase na nɛ b shu awɔrso; ama beko bre daa wora awɔr kagbenefuliso nna.

Aizaaya 64:10

Fo ndegboŋ cheembiana na be kekama ki fanɛ keshishɛrsawule nna. Jerusalɛm ki kelambure nna nɛ ekama maŋ naa wɔ kumo to.

Ezikɛl 7:20

B daa puchi ŋkpal abitasɔ lela nɛ b kɔ so nna nseŋ ta amo ŋ wora agbirana nɛ amo be asheŋ bee nu agbo. Amoso meeŋ shin nɛ abitasɔ na e ki fuloŋ, nsaa maŋ naa kɔ tɔnɔ n sa bumo.

Heegai 2:9

Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.