Heegai 2:12 - EBƆRƐ BE KAWƆL

¹² Nɛ fanɛ esa pɛ mbe piŋi tenteŋ be kɔnɔso m bɔɔ eblaŋ nɛ k du cheembi ŋkpal b ka ta kumo n lara sarga n sa Ebɔrɛ so, nɛ piŋi tenteŋ na beta bodobodo ŋko ajibi daŋɛso ŋko yabra ŋko ajibi pɔtɛ ko, loŋ beeŋ tiŋ n shin nɛ amo alɛ gba e ki cheembi a?” Ndoŋ nna nɛ bɔrɛmatapoana na kaŋɛ: “Ayai, loŋ maaŋ tiŋ n wora.”

Heegai 2:12 ပူးပေါင်းရင်းမြစ်များ

Ɛksodɔs 29:37

Nchɛnshunu na be karechɛ kama men lara alubi be ketampaŋ be sarga bɔrɛsure na so, saŋɛ na so, bɔrɛsure na beeŋ baa du cheembi nɛ kusɔ kama nɛ k beta kumo gba e baa du cheembi.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Ezikɛl 44:19

Pɔɛŋ nɛ b lar n yɔ kowushina be kelɔnɛ na so ashi kakpa nɛ basa wɔ na, a daga fanɛ b lara epiŋi nɛ b buu a shuŋ bɔrɛlambu na to na n nase ebu cheembiana na to nna. Kumo be kaman nɛ b ta asɔbuuso pɔtɛ m buu n lar, saŋɛ na so bumo be asɔbuuso cheembi na maaŋ bar tɔrɔ basa so.

Levitikɔs 6:27

Kusɔ kikɛ nɛ k beta eblaŋ na bee ki cheembi nna. Nɛ kumo be ŋklaŋ gba do piŋi so kakpa cheembi, a daga b fɔr kumo.

Levitikɔs 6:29

Bɔrɛmatapo be kanaŋ to be kusɔnyɛn nawule e naaŋ tiŋ n ji loŋ be sarga na. K la sarga cheembi ga nna.

Levitikɔs 7:6

Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.

Matiu 23:19

Betanpo ere, kakɛ na nɛ bɔrɛsure na, kumo e chɔ? Kakɛ na e chɔ ŋko bɔrɛsure nɛ k shin nɛ kakɛ na ki cheembi na e chɔ?

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.