Heegai 1:8 - EBƆRƐ BE KAWƆL

⁸ Men dii n yɔ abee so n ya ku ndibi m ba lɔŋɛ ma bɔrɛlambu m pɔr, nɛ ma kagbene e fuli ma nɛ basa e naa bunyaŋ ma kananɛ k daga fanɛ b baa bunyaŋ ma.

Heegai 1:8 ပူးပေါင်းရင်းမြစ်များ

1 Bewura 6:1

Israɛlebi ka lar Ijipt be efuli so na be nfɛ alfa ana nɛ aduburwa be kaman, nɛ Sɔlɔmɔn ka ji Israɛl be kuwura be kafɛ nasopo nɛ Hibruwebi be kafɛ to be kufɔl nyɔsopo nɛ baa tre Ziv na to nɛ ewura Sɔlɔmɔn be beshumpo fara bɔrɛlambu na be kapɔr.

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

2 Kronikɛls 7:16

ŋkpal manɛ so k la meya nna. Baaŋ baa shuŋ ma ndoŋ hale mbaanaayɔ, ma alɛ maaŋ yige kumo be kekeni so kikɛ.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Ɛzra 6:4

Nɛ b baa pɔr kumo be egbalana, a daga b ka ta ndibi kpakpaso m bɛ ajembu be egbal asa kama nɛ baaŋ pɔr m bɛ abar so so. Kumo be pɔr be kukɔ na beeŋ shi ewura be amansherbi be lɔkɔ to nna.

Ɛksodɔs 29:43

Ndoŋ nɛ ma nɛ Israɛl be basa beeŋ baa shɛr nɛ ma kemaŋkura e shin nɛ ndoŋ e ki ma kakpa cheembi.

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.

Aizaaya 60:7

Baaŋ gama abonfu nɛ baa tre Kɛda nɛ Neboyot na be mbolpɔ kikɛ abar so m ba sa menyi fanɛ esarga. Ma, Enyɛnpe Ebɔrɛ na malɛ beeŋ sɔ amo fanɛ ma bɔrɛsure so be esarga, nseŋ shin nɛ ma bɔrɛlambu e nya kemaŋkura n ti so.

Aizaaya 66:11

Ŋkpal manɛ so, kumo be kemaŋkura nɛ kedamaya kikɛ beeŋ suse menyi alɛ gba fanɛ kananɛ kebibi bee nya a nyipo mo nio be anyipo na.

Heegai 1:7

Kusɔ nɛ Enyɛnpetale Ebɔrɛ na yɛ nde: “Menyi maŋ wu kusɔ nɛ k ba nɛ le wora a?”

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Heegai 2:9

Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.