Heegai 1:6 - EBƆRƐ BE KAWƆL

⁶ Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Heegai 1:6 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

Nehemaya 5:2

Le nɛ beko daa kaŋɛ: “Nnaŋgboŋ nɛ anyi be beko kɔ a bela. Ayu damta nɛ e daga fanɛ an nya a ji nseŋ tiŋ a wɔ ŋkpa to.”

Job be kawɔl 20:22

Saŋɛ nɛ b nya kusɔ kikɛ nɛ eyur wushi bumo na nɛ baaŋ paŋ kusɔ kikɛ nɛ kayurnyaŋ nɛ awurfoŋ gboŋgboŋi e ba bumo so.

Job be kawɔl 20:28

Ebɔrɛ be agbo beeŋ ki fanɛ nchugboŋ m ba sulɔ bumo be asɔ kikɛ n yɔ.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Aŋasa 11:24

Kakɛ maa loge asɔ. Beko bee kɛ ga, bumo alɛ nsaa dii dama saŋkikɛ, nɛ beko malɛ kɔ miri ga nsaa la betirpo saŋkikɛ.

Aizaaya 5:10

Yabra belbelso fanɛ egalɔn ashe nawule nɛ esa beeŋ nya ashi ndibi sɔrso be kudɔ nɛ k fo fanɛ nto adunyɔ be kasawule so, nseŋ nya ayu beeŋ wora ekurwa kuduaburwa nawule ashi ayuduu ekurwa kalfa nɛ aduburwa nɛ e ta n duu to.”

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 44:18

Ama baŋ yili jemanɛ nɛ an yige kebaalara esarga a sa ebɔrɛso be Ewurche na nseŋ yige kebaata yabra a to nchu a sa mo na, anyi alɛ maŋ naa kɔ shɛŋ nɛ anyi be basa malɛ naŋ wu kena to nɛ akoŋ mɔ beko.”

Hoziya 4:10

Menyee ji ajibi ga, ama menyi alɛ maa moɛ kikɛ. Menyee yɔ agbir to n ya kaa fin mbia, ama menyi alɛ maa nya bumo kikɛ. Ŋkpal manɛ so, men kini ma nna nseŋ ya kaa bɛ agbir so.”

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Heegai 1:10

Amoso nɛ bɔrɛ maa ba nɛ shɛŋ maŋ tiŋ ŋ kɔr na.

Heegai 1:5

Menyi maŋ wu kusɔ nɛ k bee wora menyi na nna a?

Heegai 1:7

Kusɔ nɛ Enyɛnpetale Ebɔrɛ na yɛ nde: “Menyi maŋ wu kusɔ nɛ k ba nɛ le wora a?”

Heegai 1:9

Men daa tama keteŋi asɔ damta nna, ama asɔ gbrɛbi nɛ men nya n teŋi. Menyi alɛ ka naŋ bar asɔ nɛ men teŋi na epe, nɛ n shin nɛ afu ba ber amo n yɔ. Manɛ so nɛ n wora loŋ? Ŋkpal ma bɔrɛlambu ka bure a dese nɛ men pere kenishi a pɔr menyi be nwuana so.

Heegai 2:16

ekama nɛ e daa yɔ aboyu nɛ e buri n nase ase daa tama kenya aboyu fanɛ ebɔtɛ anyɔ nna, ama e daa nya bɔtɛ koŋwule nna. Esa beeŋ yɔ yabra to a tama kenya ekɔlba kalfa be bɔlɔ bɔlɔ, ama e bee nya ekɔlba adena nna.

Heegai 2:17

Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to.

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Zakareya 8:10

Pɔɛŋ nɛ b pɔr bɔrɛlambu na nɛ esa kikɛ daa maa kɔ amansherbi nɛ e tiŋ m ber basa paa ŋko n haya asɔbɔya nɛ b shuŋ n sa mo. Esa kama malɛ daa maa tiŋ a kuŋ mbe kumu ashi mo doŋana be enɔ to. N daŋ shin nna nɛ basa fɛaŋ abar so a wɔtɔ nna.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Ditɛronɔmi 28:17

Enyɛnpe Ebɔrɛ na be kɔnɔsho beeŋ ba menyi be ayu nɛ ajibi kama nɛ menyeeŋ ta amo n wora n ji kikɛ so.