Heegai 1:11 - EBƆRƐ BE KAWƆL

¹¹ Ma e shin nɛ ewule ba adɔsawule nɛ abee nɛ ndibi sɔrso be adɔ so nɛ kusɔ kama nɛ k bee shi kasawule to nɛ edimɛdi nɛ asɔbɔya kikɛ so, nɛ menyi be kegben kikɛ to jiga na. B ka wora Ebɔrɛ be kamalga kasonu be asheŋ

Heegai 1:11 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

2 Bewura 8:1

Elaisha daŋ kaŋɛ Shunɛm be kache nɛ mbe kebia daŋ wu nɛ mo ere Elaisha tiŋi mo na nna fanɛ e keta mbe kanaŋ n yɔ kaplɛkama nɛ e bee sha n ya chena ŋkpal manɛ so Enyɛnpe Ebɔrɛ na beeŋ shin nɛ akoŋgboŋ e tɔr kasawule na so nfɛ ashunu.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Heegai 2:17

Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Malakai 3:11

M maaŋ shin nɛ asɔfirgisobi e jija menyi be adɔjibi saŋɛ na so menyi be afeelebi nɛ a bee sɔr asɔrso nɛ baa tre greep na beeŋ sɔr nɛnɛ.

Malakai 3:9

Kɔnɔsho wɔ menyi kikɛ so ŋkpal manɛ so efuli na kikɛ bee yuri ma nna.

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.