Heegai 1:1 - EBƆRƐ BE KAWƆL

¹ Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Heegai 1:1 ပူးပေါင်းရင်းမြစ်များ

1 Bewura 10:15

Eyawujipo nɛ benitepo be kusɔ nɛ baa sa mo bre maŋ ti so. Areebia be efuli so be bewura nɛ Israɛl be efuli so be abonfu be gomena be benimu gba daŋ ba sa mo shuwa nna.

1 Bewura 14:18

Nɛ Israɛlebi shu kebia na be keeli nseŋ ta mo n ya puli. Nɛ kusɔ nɛ Enyɛnpe Ebɔrɛ bɔla mbe kayɛrbi anebi Ahija so ŋ kaŋɛ na kikɛ bɔlɔ so.

2 Bewura 14:25

Mo e daŋ naŋ laŋɛ ŋ kɔ n sɔ Israɛl be efuli nɛ k yili Hamaf Paas be kelargato be esoso be kaba so n ya fo Teku wuso na be kelargato be kaseto be kaba so na kikɛ fanɛ kananɛ Enyɛnpe Israɛl be Ebɔrɛ na bɔla mbe kayɛrbi anebi Jona nɛ e la Amitai pibinyɛn nɛ e shi Gaaf Hifa na so n nase kumo be kɔnɔ na.

1 Kronikɛls 3:17

Ewura Jehowachin nɛ Babilɔnebi daŋ pɛ n yɔ bumo be efuli so na daa kɔ mbia ashunu nna. Bumo e la Shialtiɛl

1 Kronikɛls 3:19

Pɛdaya malɛ daa kɔ mbinyɛnsobi anyɔ nna. Bumo e la Zerubabel nɛ Shimei. Zerubabel daa kɔ mbinyɛnsobi anyɔ nna. Bumo e la Mɛshulam nɛ Hananiya. E daa kɔ kebichebi koŋwule ko nɛ baa tre mo Shelomif.

Ɛzra 1:8

Mitrɛdat nɛ e daa la basa nɛ baa keta ewura be amansherbi be enimu na nɛ e shin nɛ e karga amo m bɔɔ Shɛshbaza nɛ e daa la Juda be efuli so be gomena na enɔ.

Ɛzra 10:18

Benyɛn nɛ b shi bɔrɛmatapoana be kabuna nsaa kɔ eyiri pɔtɛ be beche a kil na e daa la Maaseia nɛ Eliaza nɛ Jarib nɛ Gɛdaliya nɛ b la Jehozadak be bibinyɛn nseŋ shi Joshuwa nɛ sipoana be kabuna na.

Ɛzra 2:2

Bumo e la: Zerubabel nɛ Joshuwa nɛ Nehemaya nɛ Seraya nɛ Reelaya nɛ Mɔdikaya nɛ Bilshan nɛ Mispa nɛ Bigvai nɛ Rehum nɛ Baana. Israɛl be mbuna ebi nɛ kananɛ b sa nseŋ bɛta m ba bumo be efuli so e daa la

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Ɛzra 4:2

nɛ b yɔ Zerubabel nɛ mbuna mbuna be benimuana na kutɔ n ya kaŋɛ le: “Men shin nɛ an chɛ menyi to n pɔr. Ŋkpal manɛ so, anyi nɛ menyi kikɛ bee shuŋ Ebɔrɛ koŋwule nna. Yili jemanɛ nɛ Asiriya be ewura, Esahadɔn, bar anyi kasawule ere so hale m ba fo kabre; menyi be Ebɔrɛ ere nɛ anyi alɛ gba bee shuŋ nsaa lara sarga a sa.”

Ɛzra 4:24

Ndoŋ nna nɛ bɔrɛlambu na be kapɔr na shir n yili loŋ hale n ya fo Pɛshiya be ewurgboŋ Dariɔs be kuwurji be kafɛ nyɔsopo to.

Ɛzra 5:1

Heegai nɛ Iddo pibinyɛn, Zakareya, nɛ b daa la anebiana na daŋ bɔla Israɛl be Ebɔrɛ nɛ e bee keni bumo so na be ketre so nna m malga n sa Juwebi nɛ b daa wɔ Juda be efuli so nɛ Jerusalɛm to na.

Ɛzra 5:3

Ndoŋ nna nɛ lɔrgboŋ nɛ baa tre Yufreetes na be epeŋitɔrkpa be kasawule so be gomena, Tatɛnayi, nɛ Shɛta Bozenayi nɛ bumo braana yɔ bumo kutɔ n ya bishi bumo le: “Wanɛ e sa menyi ekpa fanɛ men lɔŋɛ bɔrɛlambu ere m pɔr?”

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Nehemaya 12:1

Bɔrɛmatapoana nɛ Livaiebi nɛ Shealtiɛl pibinyɛn, Zerubabel nɛ Joshuwa daŋ juŋkpar ŋ keta bumo n shi Babilɔn be efuli so kenyaya to m bɛta m ba na be atre nde.

Nehemaya 12:10

Joshuwa e daa la Joikim mo tuto, nɛ Joikim malɛ daa la Eliashib mo tuto; nɛ Eliashib malɛ daa la Joida mo tuto

Nehemaya 5:14

Atazɛzɛs ka ji kuwura be nfɛ adunyɔ n ya fo nfɛ adesa nɛ anyɔsopo to nɛ ma e la Juda be efuli so be gomena. Nfɛ kuduanyɔ nɛ n la gomena na kikɛ, ma ŋko ŋkurgepoana maŋ sɔ ajibi nɛ a daga ma fanɛ gomena na.

Nehemaya 7:7

Bumo be bejuŋkparpo e daa la Zerubabel nɛ Joshuwa nɛ Nehemaya nɛ Azariya nɛ Ramaya nɛ Nahamani nɛ Mɔdikaya nɛ Bilshan nɛ Misperɛf nɛ Bigvai nɛ Nehum nɛ Baana.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Ɛksodɔs 4:13

Nɛ Mosis naŋ kaŋɛ: “O n Nyɛnpe Ebɔrɛ, jande shuŋi esa pɔtɛ.”

Heegai 1:12

Ndoŋ nna nɛ Zerubabel nɛ Joshuwa nɛ basa nɛ b shi kenyaya to ashi Babilɔn be efuli so m bɛta m ba na kikɛ wora kubɔya nɛ Enyɛnpe bumo be Ebɔrɛ na ta m bɔla anebi Heegai so n sa bumo na kasonu ŋkpal b ka bee ŋana Enyɛnpe Ebɔrɛ na so.

Heegai 1:14

Enyɛnpetale Ebɔrɛ na daŋ ta kenishipere nna n wɔtɔ Zerubabel nɛ e daa la Juda be efuli so be gomena nɛ Joshuwa nɛ e daa la bɔrɛmatapo nimuso na nɛ basa b daŋ pɛ n yɔ efuli pɔtɛana so nɛ b bɛta m ba na to nna nɛ b fara Enyɛnpetale, bumo be Ebɔrɛ na be bɔrɛlambu na kapɔr.

Heegai 1:15

Ewurgboŋ Dariɔs ka ji Pɛshiya be efuli so be kuwura na be kafɛ nyɔsopo to be kufɔl shesopo to be kachɛ adunyɔ nɛ ana nɛ b fara kushuŋ na.

Heegai 1:2

Kusɔ nɛ Enyɛnpetale Ebɔrɛ na yɛ nde: “Basa ere bee kaŋɛ fanɛ jemanɛ maŋ naŋ fo nɛ b lɔŋɛ bɔrɛlambu na m pɔr ashi Jerusalɛm to.”

Heegai 1:3

Ndoŋ nna nɛ Enyɛnpe Ebɔrɛ na ta kubɔya ere m bɔla anebi Heegai so n sa basa na.

Heegai 2:10

Ewurgboŋ Dariɔs ka ji kuwura ashi Pɛshiya be efuli so be kafɛ nyɔsopo to be kufɔl kpanusopo to be nchɛ adunyɔ nɛ ana na nɛ Enyɛnpetale Ebɔrɛ na naŋ kaŋɛ anebi Heegai le:

Heegai 2:20

Kamɔnchɛ na gbagba nɛ Enyɛnpe Ebɔrɛ na naŋ sa Heegai kubɔya nyɔsopo fanɛ,

Heegai 2:21

e kaŋɛ Zerubabel nɛ e la Juda be efuli so be gomena na le: “Mee sha kegbuŋgbuŋ ebɔrɛso nɛ kasawule so kikɛ nna.

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl burwasopo to nɛ Enyɛnpe Ebɔrɛ na ta kubɔya ere n sa anebi Zakareya nɛ e la Berekia pibinyɛn nsaa la Ido mo nanabi na.

Zakareya 3:1

Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”

Luuk 3:27

Joda malɛ mo tuto e daa la Joana nɛ mo alɛ mo tuto daa la Risa nɛ Risa malɛ mo tuto daa la Zerubabel nɛ mo alɛ mo tuto daa la Shialtiɛl, Nɛrai pibi.