Habakuk 3:8 - EBƆRƐ BE KAWƆL

⁸ O Enyɛnpe Ebɔrɛ, elɔrana e daŋ shin nɛ fo nya agbo a? Teku e daŋ shin nɛ fo kagbene kaa alegaiso a? Abɔrɛwɔlpa nɛ a bee bar bɔrɛfugboŋ na so nɛ fo chena fanɛ gbaŋɛturko na m bar kekɔmpɔɔso m ba sa fo basa.

Habakuk 3:8 ပူးပေါင်းရင်းမြစ်များ

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 114:3

K daŋ wora fanɛ Teku Peper na ka wu Ebɔrɛ nna nseŋ ku to, nɛ Jɔɔdan be Lɔr na malɛ wu mo nseŋ shir n yili.

Nshɛ 114:5

Bishi teku na kusɔ nɛ k ba nɛ k sa ekpa, ŋko Jɔɔdan be Lɔr na manɛ nna nɛ k maŋ naŋ tiŋ nɛ k shile?

Nshɛ 18:10

Nɛ e dii n chena asɔ firgiso nɛ baa tre chɛrubim na so n firgi afu to a ba.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Nshɛ 77:16

O Ebɔrɛ, kewora fanɛ teku be nchu na ka wu fo, kufu pɛ amo nna nɛ kumo be kechimbi to baga to m pulgi to kufuso.

Ɛksodɔs 14:16

Teŋi fo kekpabi na n shoŋi teku na nɛ k ku to nɛ Israɛlebi na e nite kasawule wɔlso so m bɔla kumo to n choŋ.

Ɛksodɔs 7:19

Kede be kaman nɛ Enyɛnpe Ebɔrɛ kaŋɛ Mosis le: “Kaŋɛ Ɛɛrɔn le: ‘Teŋi fo kekpabi na n shoŋi Ijipt be nchuana fanɛ eboŋana nɛ nchu be abɔr kursoana nɛ apaana nɛ edampuana nɛ atirbuana kikɛ nɛ a ki ŋklaŋ.’ Ijiptebi be asɔ nɛ baa saŋ nchu a wɔtɔ kikɛ fanɛ mpuya nɛ eboketi nɛ echeenshigboŋ nɛ egarwa kikɛ to be nchu beeŋ ki ŋklaŋ.”

Ɛksodɔs 7:20

Ndoŋ nna nɛ Mosis nɛ Ɛɛrɔn wora kusɔ nɛ Enyɛnpe Ebɔrɛ ŋini bumo na. Ɛɛrɔn daŋ maŋ mbe kekpabi so ashi Fɛɛro nɛ mbe beyaasepoana na be anishito nna ŋ ŋmɛa Nail be nchu so nɛ nchu na kikɛ kilgi ŋklaŋ.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Habakuk 3:15

Fo gbagba be egbaŋɛ nɛ fo ta n fɔnɔ teku be nchuana to nɛ e kaa kupɔpɔ.

Maak 4:39

Nɛ Yesu koso m ponte afu na so: “Lo dindiŋ!” nseŋ kaŋɛ kepa na: “Yɔɔ boeŋ!” Ndoŋ nna nɛ afu na lo dindiŋ, nɛ kakpa na kikɛ wora shruum.

Kelaraŋŋini 16:12

Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 6:2

Ndoŋ nna nɛ ŋ keni nɛ gbaŋɛ fuful e yil. Kumo be ediipo daa kɔ keta to nna nɛ b ta kuwurwuro n sa mo nɛ e dii gbaŋɛ na n lar ndoŋ fanɛ ekɔmpɔɔsopo nɛ e ya kɔ m pɔɔ so.