Habakuk 3:6 - EBƆRƐ BE KAWƆL

⁶ Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Habakuk 3:6 ပူးပေါင်းရင်းမြစ်များ

Jɛnesis 49:26

Fo tuto be nɛfa nɛ e sa fo ere beeŋ ba shi a chɔ bedarapo na peya nɛ asɔ lela nɛ a shi a chɔɔ abeebi, nsaa wɔtɔ mbaanaayɔ na. Le be nɛfa ere kikɛ e baa wɔ Josɛf so ŋkpal e ka ki enimu ashi mo daana kikɛ so so.

Job be kawɔl 21:18

Ale afanɛ nɛ e daŋ farnyaŋ bumo to fanɛ kananɛ afugboŋ bee kpeta amimi a lɛ na?

Job be kawɔl 9:5

Nɛ Ebɔrɛ baŋ nya agbo, e beeŋ tiŋ m pulgi abee nseŋ melgi amo m buu, nɛ k purgi basa.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 104:32

Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 35:5

Shin nɛ b ki fanɛ afɔfɔ nɛ afu bee foŋ a lɛ na, saŋɛ so nɛ Enyɛnpe be malaika bee ŋin bumo na.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Nshɛ 97:5

Abee bee ŋalga fanɛ kemar ashi Enyɛnpe Ebɔrɛ nɛ e la durnya kikɛ be Enyɛnpe na be anishito nna.

Ɛksodɔs 15:14

Efuli pɔtɛana so ebi gba kaŋ nu kesheŋ ere, kufu beeŋ pɛ bumo nɛ Filistiebi gba e fara a chicha kufuso ga.

Ɛksodɔs 15:15

Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 21:31

Nɛ fanɛ gbolu na pur esa ko pibinyɛn ŋko ebiche nna, loŋ koŋwule na e daga fanɛ b yili kumo.

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.

Ditɛronɔmi 33:15

Ebɔrɛ e shin nɛ b baa dɔ nsaa teŋi nɛnɛ ashi bumo be abee nɛ a wɔtɔ dra dra kikɛ na ase.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Demujipoana 5:5

Abee gbuŋgbuŋ to ashi Enyɛnpe, Israɛl be Ebɔrɛ na be anishito.