Habakuk 3:3 - EBƆRƐ BE KAWƆL

³ Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.

Habakuk 3:3 ပူးပေါင်းရင်းမြစ်များ

Jɛnesis 21:21

Kiyi na to nɛ e daa wɔ nɛ mo nio ya fin eche ashi Ijipt be efuli so m bar mo.

Jɛnesis 36:11

Elifas malɛ be mbinyɛnbi nde: Teman nɛ Omaa nɛ Zefo nɛ Gatam nɛ Kenas.

1 Bewura 11:18

B daŋ yili Midian nna n yɔ Paran nɛ basa ko ya ti bumo so, nɛ b yɔ Ijipt be ewura kutɔ nɛ ewura na sa Hadad kasawule nɛ laŋ nɛ ajibi.

Nshɛ 113:4

Enyɛnpe Ebɔrɛ na e naa ji kuwura efuliana na kikɛ so; mbe kemaŋkura shi a chɔ esoso be asɔ kikɛ peya.

Nshɛ 148:13

Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 3:2

Baa malga a gbiti ma nna a kaŋɛ le: “Ebɔrɛ maaŋ mɔlga mo.”

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 4:4

Men ta kufu nɛ kechicha chicha n lar men be alubi to. Men keni men be ŋgbene to nɛnɛ, saŋɛ nɛ men nawule dese kelaŋ so na.

Nshɛ 48:10

Fo asheŋ woraso niŋi saŋkama nna, nɛ fo ketre dii nɛ basa bee fur fo ashi durnya ere be kaplɛkama.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Nshɛ 9:20

Enyɛnpe Ebɔrɛ, shin nɛ kufugboŋ e tɔr efuli pɔtɛana na so, nɛ b pin fanɛ b la edimɛdi nna ashi fo anishito.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Aizaaya 64:3

Jemanɛ ko daŋ fo nɛ fo wora asheŋgboŋ nɛ a bee mɔ kɔnɔ nɛ anyi daa maa fɛ fanɛ feeŋ wora amo. Abee ka wu fo nɛ kufu pɛ amo nɛ e bee chicha.

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Ezikɛl 43:2

Ndoŋ nɛ n wu Israɛl be Ebɔrɛ na be kemaŋkura ka bee nyɛkpɛ pɛlpɛl n shi epeŋilarkpa a ba, nɛ Ebɔrɛ be ebɔl gbir fanɛ teku ka bee baga to na. Kusɔ kama nɛ k daa wɔ ndoŋ gba daŋ fulto nna a nyɛkpɛ.

Eemɔs 1:12

Amoso meeŋ shin nɛ edɛ e ya chɔɔ Edɔm be efuli so be nde nɛ baa tre Teman na, nɛ Bozra be kumɔlga be mboŋ na kikɛ cheche.”

Obadaya 1:9

O, Teman be benakɔpo, kufu beeŋ pɛ menyi tain, baaŋ ku ekama nɛ e wɔ lsɔɔ be abee so na to.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Nɔmbɛs 10:12

nɛ Israɛlebi na malɛ gba lar Sainai be keshishɛrsawule na so nseŋ pɛ ekpa m bɛ kuwɔlpa na so hale nɛ k ya yili Paran be keshishɛrsawule so.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 5:24

m ba kaŋɛ: “Enyɛnpe, anyi be Ebɔrɛ na lara mbe keshi nɛ kemaŋkura ŋ ŋini kabre. E bɔla edɛ na to m malga nɛ an pin fanɛ Ebɔrɛ beeŋ tiŋ m malga basa kutɔ nɛ b nu nseŋ kraa wɔ ŋkpa to.

1 Samuɛl 25:1

Samuɛl ka wu nɛ Israɛlebi na kikɛ ba abar so m ba shu mbe keeli, nseŋ ta mo n ya puli mbe kade to ashi Raama. Ade kikɛ be kaman nɛ Deevid yɔ Paran be kiyi to.