Habakuk 2:8 - EBƆRƐ BE KAWƆL

⁸ Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Habakuk 2:8 ပူးပေါင်းရင်းမြစ်များ

Nshɛ 137:8

Babilɔnebi, menyeeŋ mur cheche! Ebɔrɛ e nɛfa basa nɛ baaŋ ka menyi kusɔ nɛ men wora anyi ere be kukɔ.

Aŋasa 22:23

Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 33:4

Saŋɛ na so anyeeŋ mel abar so fanɛ elotɔr n fuu bumo be asɔ n shile.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 50:14

Menyi basa nɛ men kɔ ata a kɔ na, e ba bɛ abar so ŋ kulti Babilɔn n wɔtɔ. Men to menyi be atanyembi kikɛ n wɔtɔ Babilɔn to, ŋkpal manɛ so, k wora kulubi n da ma, Enyɛnpe Ebɔrɛ na so nna.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Jɛremaya 50:37

Bedoŋ beeŋ mur menyi be egbaŋɛ nɛ amo be eturko, nɛ benapo nɛ men ya haya m ba na kikɛ! Menyi be benapo na beeŋ pɔ fanɛ beche, nɛ bedoŋ e mur menyi be asɔ lela kikɛ, nseŋ muu amo nɛ baa sha n yɔ.

Jɛremaya 51:13

Efuli na so kɔ elɔr nɛ asɔ lela damta, ama kumo be saŋɛ fo nɛ kumo be kebaawɔtɔ a ku so.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:48

Saŋɛ na so nɛ kusɔ kama nɛ k wɔ ebɔrɛso nɛ kasawule so kikɛ beeŋ wora awɔr kagbenefuliso, ŋkpal bedoŋ ka beeŋ shi kelargato be esoso be kaba so m ba kɔ Babilɔn m mur kumo so.

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Ezikɛl 28:16

Fo daŋ pere kenishi nna n wɔtɔ yawu be keji to nɛ k shin nɛ fo luri keŋkenshi nɛ alubi be kebaawɔtɔ to. Amoso nɛ n tintiŋ fo nɛ fo lar ma kebee cheembi na so nɛ malaika nɛ e daa kuŋ fo na ju fo ashi ajembu nyɛkpɛso na so na.

Ezikɛl 39:10

B maaŋ naŋ yɔ kupuŋ to n ya fin ndibi puga edɛ ŋko ŋ ku ndibi kiyi to kikɛ, ŋkpal manɛ so akɔsɔ nɛ b shile ŋ ka na ba ako beeŋ ndibi puga edɛ n sa bumo. Bumo alɛ beeŋ suge basa nɛ b daŋ suge bumo be asɔ na be asɔ.” Ma, Enyɛnpetale Ebɔrɛ na e kaŋɛ na.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Obadaya 1:15

Men nu nfe, kachɛ nɛ ma ere Enyɛnpetale na beeŋ ji efuli kama demu na taga to nna na. Asɔ nɛ menyi Edɔmebi wora ere beeŋ ba menyi alɛ gba so loŋ chap. Menyeeŋ teŋi kusɔ nɛ men du ere gbagba.

Habakuk 2:10

Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Zakareya 14:12

Enyɛnpe Ebɔrɛ na beeŋ shin nɛ kulɔ lubi e tɔr efuli pɔtɛana be basa nɛ baa kɔ Jerusalɛm kena na so. Bumo be eyurana nɛ anishi nɛ adonduloŋ kikɛ beeŋ bɛ a bɛlge nɛ b kraa keni.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”