Habakuk 2:6 - EBƆRƐ BE KAWƆL

⁶ Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Habakuk 2:6 ပူးပေါင်းရင်းမြစ်များ

Nshɛ 94:3

O Enyɛnpe Ebɔrɛ, saŋɛ mo nɛ kumukpakpasowuraana be kagbenefuliso be kamooji ere beeŋ fo ekar?

Aŋasa 22:16

Basa nɛ baa puni betirpo a dii dama na, nɛ bumo nɛ baa kɛ damawuraana asɔ na, beeŋ ki betirpo.

Aizaaya 10:13

Asiriya be ewurgboŋ bee puchi nna a kaŋɛ le: “Ŋ gbagba be eleŋ so nɛ n wora ade kikɛ. Ma alɛ kɔ eleŋ nsaa nyi asheŋ nsaa kɔ kenyi ga. N du fanɛ gbolu kpenso nɛ e bee tɛ a yuu basa so nna a suge efuliana na be nsawule nɛ mpetɛsɔ na eleŋ so.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Jɛremaya 50:13

Ma agbo beeŋ mur Babilɔn nɛ esa kama maaŋ naa wɔ kumo so. Kufu beeŋ pɛ esa kama nɛ e beeŋ bɔla ndoŋ a choŋ n wu kusɔ nɛ k wora na, nɛ e baa chicha.

Ezikɛl 32:21

Saŋɛ na so nɛ benapo lempoana nɛ b daŋ kɔ n sa Ijiptebi nɛ b mɔ bumo na e wora menyi Ijiptebi na maraba ashi bubuni to. Baaŋ boŋ to ŋ kaŋɛ le: ‘Basa nɛ b maa ŋana Ebɔrɛ nseŋ wu kena to na e ba bubuni to nfe m ba ka dese na!’

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Habakuk 1:15

Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na.

Habakuk 2:12

Asheŋ maaŋ nyalɛ n sa menyi, ŋkpal men ka ta kulubi n tɔl menyi be kadegboŋ nseŋ ta basa be kamɔ m pɔr kumo n ya loge so.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Nɔmbɛs 23:18

Nɛ Balaam kaŋɛ: “Ewura Balak kaŋ kusoe n nu nfe! Zippɔ pibi Ewura Balak nu nfe.

Nɔmbɛs 23:7

Ndoŋ nna nɛ Balaam kaŋɛ: “Mowab be ewura Balak e bar ma ashi Siriya nɛ k wɔ abee be efuli so na fanɛ m ba sho Israɛlebi kɔnɔ n shin nɛ b mur.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.